«كۇدىكسىز اللا ىسىراپ ەتۋشىلەردى سۇيمەيدى». قاسيەتتى قۇراندا وسىلاي جازىلعانىمەن, مۇنى قاپەرگە الا بەرمەيتىنىمىز راس. وكىنىشتىسى, قازىر قارالى ۇيدە قازان كوتەرىلىپ, استا-توك داستارقان جايۋ «سانگە» اينالىپ كەتتى.
قازاقستان مۇسىلماندارى ءدىني باسقارماسى اتىراۋ وبلىسى بويىنشا وكىلدىگى وبلىسقا قاراستى قۇدايى اس ءمازىرىن بەكىتتى. قالا يمامدارىنىڭ جينالىسىندا جانازا جانە جەرلەۋ راسىمدەرىن بىرىزدىلىككە ءتۇسىرۋ ماقساتىندا ۇندەۋ قابىلداندى.
ۇندەۋدە جەرلەۋ راسىمىنە قاتىستى جايتتار كورسەتىلگەن. سونداي-اق ساداقانى «جارىسسوزگە» اينالدىرماۋ, جانازا نامازىنان بۇرىن قارالى ميتينگ وتكىزبەۋ, ءزاۋلىم قابىر تۇرعىزباۋ سەكىلدى ماسەلەلەر بار.
– قارالى ۇيدە قازان قايناماسىن دەگەن بابالار ءسوزى ۇمىت بولا باستادى. قارالى شاڭىراق اس ازىرلەۋگە مىندەتتى ەمەس. قيماس ادامىن جوعالتىپ وتىرعان ۇيگە اۋىرتپالىق سالماۋىمىز كەرەك, – دەيدى اتىراۋ وبلىسىنىڭ باس يمامى باتىرجان مانسۇروۆ. يمامدار ۇسىنعان جانازا نامازىنىڭ اس مازىرىندە نان, باۋىرساق, جەتى شەلپەك, قايماق, تارى, تالقان, سارى ماي, ورىك, مەيىز, قۇرما جانە كۇرىشتەن دايىندالاتىن ءبىر ىستىق تاعام بار. اتىراۋ