اۋىل شارۋاشىلىعى ۆيتسە-ءمينيسترى گ.س. يساەۆا, جامبىل وبلىسى اكىمىنىڭ ورىنباسارى م.ج. شوكەەۆ, اگروونەركاسىپتىك كەشەندەگى مەملەكەتتىك ينسپەكتسيا كوميتەتى توراعاسىنىڭ ورىنباسارى ا.م. مارس شتابتىڭ كوشپەلى وتىرىسىنا قاتىستى.
شەگىرتكە زيانكەستەرىنە قارسى دايىندىقتى تالقىلاۋ بارىسىندا «فيتوسانيتاريا» رمك, «فيتوسانيتاريالىق دياگنوستيكا جانە بولجاۋ بويىنشا رەسپۋبليكالىق ادىستەمەلىك ورتالىققا» رمم مەكەمەلەر قىزمەتىن جەتىلدىرۋ بويىنشا ۇسىنىستار ازىرلەندى.
جامبىل وبلىسىندا بيىل 184,5 مىڭ گەكتار اۋماققا شەگىرتكەنىڭ تارالۋى كۇتىلۋدە, ونىڭ ىشىندە 89,8 مىڭ گەكتارعا ماروككالىق شەگىرتكە, 75,9 مىڭ گەكتارعا يتالياندىق شەگىرتكە, 18,8 مىڭ گەكتارعا ازيالىق شەگىرتكە.130-عا تارتا مامان تارتىلادى. 34 بىرلىك بۇرىككىش جابدىقتار مەن 5 ۇشاق ازىرلەندى. ايماقتىڭ 70% جەرمەن جانە 30% ۇشاقپەن وڭدەلەتىن بولادى.
11 مىڭ ليتردەن اسا تيىمدىلىگى جوعارى دارىلىك زاتتار قولدانىلاتىن بولادى.
ەسكە سالا كەتەيىك, 2018 جىلى جامبىل وبلىسىندا شەگىرتكەلەرمەن كۇرەسۋ ءۇشىن وڭدەۋدىڭ اۋماعىن ۇلعايۋ شەگى بايقالىپ, 345,3 مىڭ گەكتارعا جەتكەن, ال 2017 جىلى 268 مىڭ گەكتارعا دەيىن وڭدەلدى. وتكەن جىلى تارالعان شەگىرتكەلەردىڭ شەگى ماروككالىق شەگىرتكەلەردىڭ سانى مەن تارالۋىنىڭ ارتۋىنا بايلانىستى - 298,7 مىڭ گا (2017 جىلى 210 مىڭ گەكتارعا قاراعاندا) بايقالدى.
سونىمەن بىرگە اعىمداعى جىلى يتالياندىق شەگىرتكەلەرگە قارسى وڭدەۋ اۋماعى 75,9 مىڭ گەكتار (سالىستىرۋ ءۇشىن, 2017 جىلى 38,9 مىڭ گەكتار, تەك 2009-2010 جىلداردا 111,6 جانە 97,8 مىڭ گا ۇلعايۋ شەگى بايقالدى) كۇتىلۋدە.
ازيالىق شەگىرتكەلەردىڭ بيىلعى جىلى ايتارلىقتاي ەمەس ءوسىمى بايقالادى - 18,8 مىڭ گەكتار, ال 2017 جىلى 7,7 مىڭ گەكتار.