استانا-1 ستانساسىنىڭ اتاۋى نۇر-سۇلتان-1 دەپ وزگەرتىلدى. ال استانا – نۇرلى جول ستانساسى ەندى نۇر-سۇلتان – نۇرلى جول ستانساسى دەپ اتالاتىن بولدى. بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى.
پرەزيدەنتتىڭ استانا قالاسىنىڭ اتاۋىن نۇر-سۇلتان قالاسى دەپ وزگەرتۋ تۋرالى جارلىعىنا سايكەس «قتج – جۇك تاسىمالى» اق تەمىرجول اكىمشىلىكتەرىنىڭ №4 تاريفتىك نۇسقاۋلىعىنا وزگەرىستەر ەنگىزىلدى. قۇجات مەملەكەتتەر تەمىرجول اكىمشىلىكتەرى ۋچاسكەلەرىندەگى ستانسالار اراسىنداعى تاريفتىك اراقاشىقتىقتى ايقىنداۋعا ارنالعان.