تۇڭعىش پرەزيدەنت - ەلباسىنىڭ ءۇشىنشى الەۋمەتتىك باستاماسىن ىسكە اسىرۋ شەڭبەرىندە 2019 جىلعى 6 ساۋىردە شىمكەنت قالاسىندا وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى تۇراتىن 350 ورىنعا ارنالعان جاڭا ستۋدەنتىك جاتاقحانانىڭ اشىلۋ ءراسىمى ءوتتى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى.
ءىس-شاراعا پارلامەنت ءماجىلىسىنىڭ دەپۋتاتى ەرجان قۇدايبەرگەن تولەپ ۇلى, شىمكەنت قالاسىنىڭ اكىمى ءابدىراحىموۆ عابيدوللا راحماتوللا ۇلى, ءبىلىم جانە عىلىم مينيسترلىگىنىڭ «قارجى ورتالىعى» اق پرەزيدەنتى يبرايموۆ اسقار ءىزىمباي ۇلى, وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ رەكتورى اياشەۆ وڭالباي اياش ۇلى قاتىستى.