سەميناردا ايتىلعانداي, ەلىمىزدىڭ اۋىل شارۋاشىلىعىندا قولدانىلاتىن ءادىس-تاسىلدەر جاڭا تەحنولوگيالاردىڭ كومەگىمەن كۇشەيە تۇسپەك. مىسالى, وسىمدىك شارۋاشىلىعىنداعى دالمە-ءدال ەگىنشىلىك – وسى سالاداعى شارۋاشىلىقتار يگەرۋگە ءتيىس ماڭىزدى ءتاسىلدەردىڭ ءبىرى. سەمينارعا اقمولا, قاراعاندى, سولتۇستىك قازاقستان وبلىستارىنان اوك وكىلدەرىنىڭ ارنايى كەلۋ سەبەبى دە وسى. ولار ەلورداداعى قازاق اگروتەحنيكالىق ۋنيۆەرسيتەتى قابىرعاسىندا زەرتتەۋمەن شۇعىلداناتىن عالىمداردىڭ دارىسىنە قاتىسىپ, ورتاق ماسەلەلەردى تالقىلاۋعا مۇمكىندىك الدى.
– بۇل سەميناردان القاپتاردا كەزدەسەتىن اۋرۋلاردىڭ الدىن الۋ جانە زيانكەستەرمەن كۇرەس ادىستەرى, داقىلداردىڭ ونىمدىلىگىن ارتتىرۋ ءتاسىلدەرى, جايىلىمداردىڭ ەلەكتروندى كارتاسىن جاساۋ سەكىلدى جاڭا اقپاراتتار الىپ جاتىرمىز. شارۋاشىلىعىمىزدى دامىتۋ ءۇشىن ءبىلىمىمىزدى جەتىلدىرگىمىز كەلدى. كەيىن جۇمىسىمىزعا سەپتىگىن تيگىزەدى دەپ ويلايمىن, – دەيدى اتباسار اۋدانىنان كەلگەن «باستاۋ» جشس اگرونومى ءساتباي شۇعالوۆ.
بۇعان دەيىن مۇنداي سەمينار قاراعاندى, قوستاناي, اقتوبە, پەتروپاۆل قالالارىندا وتكىزىلدى. ءار ۇيىمداستىرىلعان ساباقتار وزەكتىلىگىمەن ەرەكشەلەنەدى. ويتكەنى القاپتاردى كارتوگرافيالاۋ نەگىزدەرىن وقىتۋ, اگروقۇرىلىمدار مونيتورينگىندە گەواقپاراتتىق جۇيەلەردى پايدالانۋ سەكىلدى تىڭ ءتاسىلدەر اۋىل شارۋاشىلىعىن ءوركەندەتۋ ىسىندە اسا قاجەت.