- كورنەكتى اقىن فاريزا وڭعارسىنوۆانىڭ شىعارماشىلىعىن ناسيحاتتاۋ, اتىراۋ ءوڭىرىنىڭ تاريحى مەن تۇلعالارىنىڭ جارقىن بەينەسىن دارىپتەپ, جاس تالانتتاردىڭ شىعارماشىلىعىن قولداۋدى ماقسات ەتكەن مۇشايراعا 45 جاسقا دەيىنگى اقىندار شاقىرىلادى, - دەيدى «رۋحانيات» قوعامدىق بىرلەستىگىنىڭ جەتەكشىسى ءاليا داۋلەتباەۆا.
– جابىق ءمۇشايرا بولعاندىقتان, اۆتور تۋرالى اقپارات بولەك كونۆەرتتە ۇسىنىلادى. ەكىنشى كونۆەرتتە بايقاۋعا ۇسىنىلاتىن ولەڭدەر بۇركەنشەك ەسىممەن سالىنۋى كەرەك.
جىر دوداسىنا قاتىسۋعا نيەت بىلدىرگەن اقىندار پوەزيا پاديشاسى فاريزا وڭعارسىنوۆاعا ارنالعان جانە ەركىن تاقىرىپتاعى ەكى ولەڭدى agatai_2005@mail.ru ەلەكتروندى مەكەنجايىنا («رۋحانياتقا» دەگەن بۇرىشتامامەن) 15 مامىرعا دەيىن جولداۋلارى ءتيىس. بايلانىس تەلەفونى – 87783869740.
ماۋسىم ايىندا قورتىندىلاناتىن ءمۇشايرانىڭ باس جۇلدەسى – 800 مىڭ تەڭگە. جىر بايگەسىنە كەلىپ تۇسكەن ولەڭدەردى ەلىمىزگە تانىمال اقىندار باعالايدى.