نۇر-سۇلتان قالاسىندا «جاس ۇلان» رەسپۋبليكالىق اسكەري مەكتەبى مەن «جاس سارباز» وڭىرلىك شتابى اراسىندا اسكەري-پاتريوتتىق تاربيە بەرۋ اياسىنداعى ىنتىماقتاستىق پەن ءوزارا ءىس-قيمىل تۋرالى مەموراندۋمعا قول قويۋ سالتاناتى ءوتتى.
«قر تۇڭعىش پرەزيدەنتىنىڭ جارلىعىمەن 2019 جىل جاستار جىلى بولىپ جاريالانعان بولاتىن. قورعانىس مينيسترلىگى مەملەكەتتىڭ جاستار ساياساتىن ىسكە اسىرۋ مەن وتاننىڭ ادال قورعاۋشىلارىنا تاربيە بەرۋگە بەلسەنە اتسالىسادى. بۇگىنگى تاڭدا ەلىمىزدىڭ تۇكپىر-تۇكپىرىندە 100-دەن اسا مەكتەپتە «جاس سارباز» سىنىپتارى بار. وڭىرلەردە 3000-عا جۋىق اسكەري-پاتريوتتىق كلۋب ءوز قىزمەتىن جۇزەگە اسىرۋدا. وندا 74 000 بالا مەن ءجاسوسپىرىم ءبىلىم الادى», – دەدى قر قك باس شتابى باستىعىنىڭ ورىنباسارى گەنەرال-مايور مۇحامەدجان تالاسوۆ.
سالتاناتتى شارا سوڭىندا «جاس ۇلان» رەسپۋبليكالىق مەكتەبىنىڭ تاربيەلەنۋشىسى مۇحامەتجان سەرماعامبەت بارلىق جاسۇلاندىقتاردىڭ اتىنان «جاس ساربازدىڭ» انتىن قابىلدادى. ودان كەيىن وعان توسبەلگى مەن «جاس سارباز» اسكەري-پاتريوتتىق قوزعالىسى قاتىسۋشىسىنىڭ سەرتيفيكاتى تابىس ەتىلدى.