«ەلدىڭ 11 وڭىرىندە 2016 – 2017 جىلدارداعى دارىلىك پرەپاراتتار مەن مەديتسينالىق بۇيىمداردىڭ قالدىقتارىنىڭ جالپى سوماسى 4,3 ملدر. تەڭگە. بۇل رەتتە دقاج-دە وڭىرلەر بويىنشا قالدىقتار جوق, بارلىق ءدارى-دارمەكتەر ناۋقاستارمەن شىعارىلعان. باس پروكۋراتۋرانىڭ تەكسەرۋ قورىتىندىسى بويىنشا وڭىرلەردە بۇگىنگى كۇنى 20-دان استام قىلمىستىق ءىس قوزعالدى», - دەدى دەنساۋلىق ساقتاۋ مينيسترلىگى فارماتسيا كوميەتىنىڭ توراعاسى ليۋدميلا بيۋرابەكوۆا.
ليۋدميلا بيۋرابەكوۆا سونداي-اق, دەنساۋلىق ساقتاۋ مينيسترلىگى ەلجان ءبىرتانوۆتىڭ تاپسىرماسىمەن, 2018 جىلعى قازاقستان رەسپۋبليكاسى دەنساۋلىق ساقتاۋ مينيسترلىگى القا وتىرىسىنىڭ دەرەكتەرى بويىنشا, 2018 جىلى قازاقستاننىڭ 70 مەديتسينالىق مەكەمەسىندە پسيحياتريالىق, ونگكولوگيالىق اۋرۋلارمەن, ايتۆ/جيتس جانە تۋبەركۋلەزبەن اۋرىتاىن ناۋقاستارعا دارىلىك زاتتاردى ۇتىمدى پايدالانۋدى جانە ناۋقاستاردىڭ دارىلىك زاتتارمەن قامتاماسىز ەتىلۋىن تالداۋ مونيتورينگى جۇرگىزىلدى.
ول مونيتورينگ ناتيجەلەرى بويىنشا قاجەتتىلىكتىڭ دۇرىس ەمەس (ارتىق) قالىپتاسۋى, ناۋقاستاردىڭ دارىلىك زاتتارمەن تولىق كولەمدە جانە تۇراقتى ەمەس قامتاماسىز ەتىلۋى, دارىلىك زاتتاردى ءتيىمسىز پايدالانۋ جانە ناۋقاستاردى تۇتىنۋ نورماسىنان تىس پرەپاراتتارمەن قامتاماسىز ەتۋ, بەرىلگەن رەتسەپتىلەر تۋرالى جازبالاردىڭ بولماۋى, مەديتسينالىق ۇيىمداردىڭ دارىلىك فورمۋليارىنا دالەلدەنگەن كلينيكالىق تيىمدىلىگى جوق پرەپاراتتاردى ەنگىزۋ, بەكىتىلگەن شەكتى باعادان اساتىن باعا بويىنشا دارىلىك پرەپاراتتاردى ءوز بەتىنشە ساتىپ الۋ فاكتىلەرىن انىقتاعانىن, تەگىن ءدارى-دارمەكپەن قامتاماسىز ەتۋگە جاتاتىن ديسپانسەرلىك ناۋقاستاردىڭ تىركەلىمىندە بولماۋى, جازىلعان رەتسەپتەردىڭ اقپاراتتىق جۇيەدە جانە ناۋقاستىڭ امبۋلاتوريالىق كارتاسىندا دارىلىك زاتتاردىڭ سانى بويىنشا سايكەس كەلمەۋىن ايتتى. مونيتورينگتىڭ بارلىق ماتەريالدارى شارالار قابىلداۋ ءۇشىن قر باس پروكۋراتۋراسىنا بەرىلدى.
«سونىمەن قاتار, ءار ايماقتان قر دسم فارماتسيا كوميتەتىنىڭ اۋماقتىق دەپارتامەنتتەرى وكىلدەرىنىڭ قاتىسۋىمەن وڭىرلەردە توعىسپالى تەكسەرۋلەر تۇرىندە مونيتورينگتىڭ ەكىنشى كەزەڭى باستالدى. مونيتورينگتىڭ اياقتالۋ مەرزىمى 29 ءساۋىر», - دەدى ليۋدميلا بيۋرابەكوۆا.
بۇدان باسقا, ناۋقاستاردىڭ تەگىن امبۋلاتوريالىق قامتاماسىز ەتىلۋى ءۇشىن دارىلەردى ءتيىمدى جوسپارلاۋ ماسەلەسىن شەشۋ ءۇشىن مينيسترلىك ءوتىنىمدى قالىپتاستىرۋ كەزىندە ەلەكتروندىق فورماتقا كوشۋ تۋرالى شەشىم قابىلدادى.