تۇركيانىڭ انتاليا قالاسىندا دزيۋدودان كەزەكتى گران-پري ءتۋرنيرى مارەسىنە جەتتى دەپ حابارلايدى Olympic.kz.
دزيۋدوشىلار باسەكەسىندە قازاقستان قۇراماسى ەكى مەدال جەڭىپ الدى. 60 كەلىدەگى ەلدوس سمەتوۆ قارسىلاس شىداتپاي, تۋرنير جەڭىمپازى اتانسا, 48 كەلىدەگى گالبادراح وتنگونتسەتسەگ اقتىق سىندا ءسۇرىنىپ, كۇمىستى قاناعات تۇتتى.
بۇل ەكى بالۋان دا 2016 جىلعى ريو وليمپياداسىنىڭ جۇلدەسىن يەلەنگەن.
وكىنىشكە قاراي, جارىستىڭ قالعان ەكى كۇنىندە قازاقستاندىق دزيۋدوشىلار الىسقا ۇزاعان جوق.
گران-پري ءتۋرنيرىنىڭ قورىتىندىسى بويىنشا ەكى جۇلدە ەنشىلەگەن قازاقستان كومانداسى جالپى ەسەپتە ءۇشىنشى ورىنعا تابان تىرەدى. العاشقى ەكى ورىندا گرۋزيا جانە ءازىربايجان كوماندالارى تۇر.