تاڭعاجايىپ جوبانىڭ اۆتورلارى ارىسلان تولەشەۆ پەن ۆلاديسلاۆ كرۋپەتس ونى ەڭ العاش قىزىلوردا قالاسىندا وتكەن «ناۋرىزداعى كەزدەسۋلەر» اتتى عىلىمي كونفەرەنتسيادا ۇسىنىپ, جۇلدەلى ءۇشىنشى ورىنعا يە بولىپتى. «ۆيكينگ» دەگەن اتاۋعا يە اپپارات وپەراتسيالاردى دەربەس ورىندايدى. قاراپايىم گادجەتتەردىڭ كومەگىمەن قاشىقتىقتان باسقارىلادى.
روبوتوتەحنيكا جانە مەحوترونيكا ءپانىنىڭ مۇعالىمى دميتري الەشين جاس ونەرتاپقىشتاردىڭ تالابىن قولداپ, كومەكتەسكەن.
«ادامنىڭ كومەگىنسىز كوپتەگەن فۋنكتسيالار اتقاراتىن مۇنداي اپپاراتتار ەلىمىزدە جوقتىڭ قاسى. بۇل ماشينانىڭ كومەگىمەن عارىشتان اقپاراتتار جيناۋعا بولادى», دەيدى ۇستاز.
جاس ونەرتاپقىشتار كوپشىلىك تاراپىنان قولداۋ تاپقان جوبانى جەتىلدىرمەك نيەتتە. ول ءۇشىن اپپاراتقا ءتۇرلى داتچيكتەر ورناتىپ, عالامشاردى زەرتتەمەك.