اتاپ ايتقاندا, «قىران دالاسى» جوباسى شەڭبەرىندە وتكەن عاسىردىڭ ۇزدىك كينوتۋىندىلارىن كورسەتۋ جوسپارلانىپ وتىر. بۇل بەينەتاسپالاردى ينتەرنەتتە تابۋ مۇمكىن ەمەس. الداعى ۋاقىتتا قوردا ماتەريالدار ەلەكتروندى تاسىمالداۋ قۇرالدارىنا كوشىرىلىپ, تسيفرلاندىرىلعاننان كەيىن ينتەرنەت پەن تەلەۆيزيا ارقىلى جۇرتشىلىق ناپزارىنا ۇسىنىلاتىن بولادى. ولاردىڭ اراسىندا كەڭەس زامانىنىڭ كينوحرونيكالارى, كوركەمفيلمدەر مەن دەرەكتى فيلمدەر توپتاستىرىلعان.
«قىران دالاسى» جوباسى «رۋحاني جاڭعىرۋ» جانە « ۇلى دالانىڭ جەتى قىرى»باعدارلامالارى اياسىندا جۇزەگە اسىرىلادى. بۇگىندە قوردا 4 مىڭنان استام كينوتاسپا ساقتاۋلى تۇر, ونىڭ 600-ى–قازاقستاندىق ءونىم», دەيدى تاريحي-مادەني قۇندىلىقتاردى ساقتاۋ ورتالىعىنىڭ ءبولىم مەڭگەرۋشىسى اسەمگۇل مالىباەۆا.
ورتالىقتىڭ ديرەكتورى راحات مامبەتالينوۆتىڭ ايتۋىنشا, 18 ساۋىردە اتاپ وتىلەتىن حالىقارالىق ەسكەرتكىشتەر مەن تاريحي ورىندار كۇنىنە وراي بىرقاتار شارالار اتقارۋ بەلگىلەنگەن. ونىڭ ىشىندە ءوڭىردىڭ تاريحي جەرلەرى مەن ەسكەرتكىشتەرىن قالپىنا كەلتىرۋ ماسەلەسى باستى نازاردا. بيىل تاريحي ەسكەرتكىشتەر قاتارىنا ەنگەن ەكى عيمارات جوندەۋدەن وتەدى. ولار– ەلەكترستانتسيانىڭ عيماراتى جانە پەتروپاۆل كوليزەيى. عىلىمي رەستاۆراتسيالىق جۇمىستاردى وتكىزۋگە قاراجات قاراستىرىلعان.
وڭىردەگى 1144 مادەني ەسكەرتكىشتىڭ 599-ى مەملەكەتتىڭ قورعاۋىنا الىنعان.