جەرگىلىكتى ءوزىن ءوزى باسقارۋ بيۋدجەتىنىڭ ءبىر جىلدىق تاجىريبەسىنەن اۋىلدىق وكرۋگتەر دەربەس بيۋدجەتىنىڭ پروبلەمالارى مەن كەمشىلىكتەرى انىق كورىندى. بۇل تۋرالى وبلىستاعى بارلىق دەڭگەيدەگى اكىمدەردىڭ كەڭەيتىلگەن كەڭەسىندە كەڭىنەن ءسوز بولدى.
جەرگىلىكتى ءوزىن-ءوزى باسقارۋدىڭ جەكە كىرىستەرىنىڭ جەتىسپەۋشىلىگى جىل بويى اۋداندىق بيۋدجەتتەن بولىنگەن ترانسفەرتتەر ەسەبىنەن وتەلگەن. 2018 جىلى اۋداندىق بيۋدجەتتەردەن بولىنگەن ترانسفەرتتەر جەرگىلىكتى ءوزىن-ءوزى باسقارۋدىڭ بيۋدجەت تۇسىمدەرىنىڭ جالپى كولەمىن 71,7 پروتسەنتكە قالىپتاستىردى.
وبلىستىق قارجى باسقارماسىنىڭ باسشىسى الما ءجۇسىپوۆا وبلىس وڭىرىندەگى بىلتىر دەربەس ىسكە كىرىسكەن 45 اۋىلدىق بيۋدجەت سۋبۆەنتسيالىقبولعانىن, ياعني وسى كەزدە اۋداندىق بيۋدجەتتەن اۋىلدىق بيۋدجەتتەردىڭ قارجىلىق تاۋەلدىلىگى جويىلماعانىن, دەمەك جەرگىلىكتى جەرلەردە جەكە سالىقتار جيناۋدى ۇلعايتۋعا جانە سالىق سالىناتىن بازالاردى كەڭەيتۋگە ءتيىستى تالاپتانۋدىڭ كەمشىندىگىن باياندادى.
«اۋىلدىق وكرۋگتەردىڭ اۋداندىق بيۋدجەتكە قارجىلاي تاۋەلدىلىگى ءار ءتۇرلى. مىسالى اۋليەكول اۋىلىنىڭ اۋداندىق بيۋدجەتتەن العانى 0,6 پروتسەنت عانا, ونىڭ ەسەسىنە ناۋىرزىم اۋدانىنىڭ قارامەڭدى اۋىلدىق وكرۋگىنىڭ كورسەتكىشى 89 پروتسەنتتەن اسىپ, اۋداندىق بيۋدجەتكە الاڭسىز سۇيەنىپ وتىرعان. اۋىل اكىمدەرىنە ايىپپۇلدىڭ 18 ءتۇرى بويىنشا قارجى تۇسىرۋگە وكىلدىك بەرىلدى. بىراق قارجى نەگىزىنەن نەگىزىنەن اركىمنىڭ جەكە تابىس سالىعى مەن كولىككە سالىناتىن سالىقتان عانا تۇسكەن» دەدى الما ءجۇسىپوۆا.
بيۋدجەتكە جەرگىلىكتى ءوزىن ءوزى باسقارۋعا كوشكەن 45 اۋىلدىق وكرۋگتەن 1,3 ملرد تەڭگە ءتۇسىم تۇسكەن. وبالىنا نە كەرەك, بۇل بۇرناعى جىلدارعى كورسەتكىشتەرگە قاراعاندا 15 پروتسەنتكە جوعارى. بىراق اۋىلدىق وكرۋگتەردىڭ جاراتقان شىعىنى 4,5ملرد. تەڭگەنى قۇراعان, ايىرماشىلىعى ءۇش ەسە.
قوستاناي اۋدانىنىڭ ورتالىعى زاتوبول كەنتىنەن, جىتىقارا قالاسىنان, فەدوروۆ, اۋليەكول, قارابالىق, سارىكول اۋداندارىنىڭ وزدەرى اتتاس ورتالىقتارىنان تابىس جاقسى كىرگەن. بىراق بۇلار ساۋساقپەن ساناۋلى عانا, ونىڭ ەسەسىنە 45 اۋىلدىق وكرۋگتەردىڭ باسىم كوپشىلىگىنىڭ تابىسى ماردىمسىز.
وبلىس اكىمى ارحيمەد وتكەن جىلى بارلىق دەڭگەيدەگى اكىمدەردىڭ كەڭەيتىلگەن كەڭەسىندە قارجىلاي دەربەستىگىن الىپ وتىرعان 45 اۋىلدىق وكرۋگ اكىمدەرىنە جۇمىستى قاتتى تاپسىرعان بولاتىن. بيىلعى ءبىر جىل ىشىندە جۇرگىزىلگەن جۇمىسقا كوڭىلى تولماعان ءوڭىر باسشىسى جەرگىلىكتى جەردە جۇمىستى ۇيىمداستىرا الماعان كوپتەگەن اۋىل اكىمدەرىنىڭ اتتارىن اتاپ, ولارعا سوگىس بەرۋدى اۋدان اكىمدەرىنە تاپسىردى. ال اۋليەكول اۋدانىنداعى ديەۆ اۋىلدىق وكرۋگىنىڭ اكىمى جاناي ءالتىنساريندى اۋىلدىق وكرۋگ حالقىنىڭ سانىنا جيناعان ءتۇسىمى سايكەس كەلمەگەنىن, جەرگىلىكتى اكىم تارپىنان ەشقانداي تالاپتىڭ بولماعانىن ايتىپ, اۋدان اكىمىنە ونى جۇمىستان بوساتىپ, ورنىنا ىسكەر ادامدى قويۋدى تاپسىردى.
قوستاناي