شەكاراشىلار «مەرسەدەس» اۆتوكولىگىمەن رەسەيگە كەتىپ بارا جاتقان ادامنان ەسىرتكى تاپتى. ونىڭ ەسىرتكى زاتىن قولدانعاندىعى انىقتالدى. بۇل تۋرالى شق ءباسپاسوز قىزمەتى حابارلادى.
پاۆلودار شەكارا وتريادىنىڭ «ۇرلىتوبە اۆتو» بولىمشەسىندە شەكاراشىلار ەسىرتكى ىزدەۋگە ارنايى ۇيرەتىلگەن قىزمەتتىك ءيتتىڭ كومەگىمەن, جەكەمەنشىك اۆتوكولىگىمەن رەسەيگە كەتىپ بارا جاتقان 1974 جىلعى قازاقستاندىقتى ۇستادى.
جەكە تەكسەرۋ بارىسىندا ونىڭ توسقالتاسىنان وراۋلى «گاشيش» ەسىرتكىسى تابىلىپ, كەيىننەن پاۆلودار قالاسىنىڭ ناركولوگيالىق ديسپانسەرى ۇستالعان ازاماتتىڭ كاننابيويد ەسىرتكىسىن قولدانعاندىعىن راستادى.