وقۋ ورتالىعى كەن الىبىنىڭ ەڭ نەگىزگى تىرەكتى نىساندارىنىڭ ءبىرى. مۇندا كەلگەن پرەمەر-ءمينيستردىڭ ورىنباسارى گۇلشارا ابدىقالىقوۆا مەن ەڭبەك جانە الەۋمەتتىك قورعاۋ ءمينيسترى بەردىبەك ساپارباەۆقا كادرلاردى وقىتۋ ورتالىعى ديرەكتورىنىڭ مىندەتىن اتقارۋشى يليا پورحومەنكو ءجۇرىپ جاتقان جۇمىستار جونىندە باياندادى.
«ءبىزدىڭ ورتالىقتا جۇمىسشىلاردىڭ بىلىكتىلىگىن ارتتىرۋ, جۇمىستاعى تەحنيكالىق ساقتاندىرۋ, جاراقات الۋدان ساقتانۋ, كوشباسشىلىققا باۋلۋ سەكىلدى بارلىعى جەتى باعىتتا وقىتامىز. ورتالىقتا بارلىق جاعداي بار, تەحنيكالىق جاراقتاندىرىلعان. وتكەن جىلى ورتالىق 51600 ماماندى قايتا وكىتىپ شىعاردى», دەدى يليا پورحومەنكو.
ۇكىمەتتىڭ جۇمىس توبىنىڭ مۇشەسى بەردىبەك ساپارباەۆ جۇمىسشىلاردىڭ ايلىق جالاقىسىن سۇرادى.
«ورتاشا ايلىق جالاقى 220 مىڭ تەڭگە. ال ەكسكاۆاتورلار جوسپاردى ورىنداعاندا 320 مىڭ تەڭگەگە دەيىن الادى. ەڭ باستىسى, ايلىق جالاقى ەشقانداي كەشىكپەيدى, ۋاكىتىندا بەرىلەدى. جۇمىسشىلار بارلىق الەۋمەتتىك پاكەتكە يە بولادى», دەدى سوكولوۆ-سارىباي كەن ءوندىرۋ بىرلەستىگى كاسىپوداق كوميتەتىنىڭ ءتورايىمى تاتيانا شەرستوبيتوۆا.
بۇدان سوڭ, گۇلشارا ابدىقالىقوۆا جۇمىسشىلارعا ەڭبەكتە ساتتىلىك تىلەدى.