جيىنعا «ەگەمەن قازاقستان» گازەتىنىڭ باسقارما توراعاسى دارحان قىدىرالى, شولۋشى سۇڭعات ءالىپباي, باسىلىمنىڭ مادەنيەت جانە رۋحانيات ءبولىمىنىڭ مەڭگەرۋشىسى تالعات باتىرحان, ەۋرازيا ۇلتتىق ۋنيۆەرسيتەتىنىڭ ساياساتتانۋ جانە جۋرناليستيكا فاكۋلتەتى دەكانى قايرات ساق, ءبىلىم ورداسىنىڭ ۇستازدارى, ستۋدەنتتەر قاتىستى.
ءىس-شارانى اشقان ساياساتتانۋ جانە جۋرناليستيكا فاكۋلتەتى دەكانى ق.ساق «ەگەمەن قازاقستان» باسىلىمىن مەرەيتويىمەن قۇتتىقتاپ, ەلىمىزدىڭ باس باسىلىمىنىڭ ەل ءباسپاسوزى تاريحىندا الاتىن ورنى ەرەكشە ەكەنىن اتاپ ءوتتى.
ال ءوز سوزىندە د.قىدىرالى ءبىلىم ورداسىنا وسىنداي يگى شارا وتكىزگەنى ءۇشىن العىسىن ايتىپ, ەلىمىزدەگى بۇقارالىق اقپارات سالاسىنداعى وزەكتى ماسەلەلەرگە توقتالدى. سونداي-اق «ەگەمەن قازاقستان» گازەتى باسىپ شىعارعان بىرنەشە كىتاپتى سىيعا تارتتى.
جيىن بارىسىندا س.ءالىپباي, ت.باتىرحان سەكىلدى اقپارات قازانىندا قايناعان بەلگىلى جۋرناليستەر ءوز تاجىريبەسىمەن ءبولىسىپ, جۋرناليسكە قاجەتتى ەرەكشەلىكتەردى اتاپ ءوتتى.
ءىس-شاراعا قاتىسقان ستۋدەنتتەر قاۋىمى كوكەيىندە جۇرگەن ساۋالدارىن قويىپ, وعان تۇششىمدى جاۋاپتار الدى.