فيفا رەيتينگى جاڭارتىلدى

سوڭعى رەيتينگپەن سالىستىرعاندا قازاقستان قۇراماسى ءبىر ساتىعا جوعارلاپ, قازىرگى كەزدە 116 ورىندى يەلەنۋدە. ەنشىمىزدە– 1171 ۇپاي. ەستەرىڭىزگە سالا كەتەيىك, وتكەن ايدا ءبىزدىڭ فۋتبولشىلار ەۋروپا چەمپيوناتىنىڭ ىرىكتەۋ ءتۋرنيرى اياسىندا ەكى ماتچ وتكىزگەن بولاتىن. العاشىسىندا شوتلانديانى 3:0 ەسەبىمەن ۇتساق, رەسەيگە قارسى وتكىزگەن كەلەسى كەزدەسۋدە ءوز قاقپامىزعا جاۋاپسىز ءتورت گول جىبەرىپ الدىق – 0:4. بۇل باسەكەلەردىڭ ەكەۋى دە «استانا ارەنادا» ءوتتى.

 

توپ-10 ۇزدىك قۇراما كوماندالار

1 (1). بەلگيا — 1737 ۇپاي 2 (2). فرانتسيا — 1734 3 (3). برازيليا — 1676 4 (5). انگليا — 1647 5 (4). حورۆاتيا — 1621 6 (7). ۋرۋگۆاي — 1613 7 (6). پورتۋگاليا — 1607 8 (8). شۆەيتساريا — 1604 9 (9). يسپانيا — 1601 10 (10). دانيا — 1586