سۋ دوبىنان اۆستراليانىڭ پەرت قالاسىندا ءوتىپ جاتقان الەم ليگاسىنىڭ ىرىكتەۋ ءتۋرنيرىنىڭ ءۇشىنشى كەزدەسۋىندە قازاقستاننىڭ ەرلەر قۇراماسى قىتايعا ەسە جىبەردى.
قوس كوماندا اراسىنداعى تارتىستىڭ نەگىزگى ۋاقىتى 9:9 ەسەبىمەن تەڭ اياقتالعان ەدى. ال پەنالتيدەن اسپاناستى ەلى وكىلدەرىنىڭ اسىعى الشىسىنان ءتۇستى – 16:15. وسى ساتسىزدىككە قاراماستان جەتى ۇپاي جيعان جەرلەستەرىمىز ءوز توبىندا ءبىرىنشى ورىندى يەلەنىپ, شيرەك فينالعا جولداما الدى.
ەستەرىڭىزگە سالا كەتەيىك, وسى ءتۋرنيردىڭ تۇساۋكەسەر باسەكەسىندە ءبىزدىڭ جىگىتتەر جاڭا زەلانديانى 11:10 ەسەبىمەن ۇتتى. كەلەسى كەزدەسۋدە ارگەنتينادان ايلامىزدى اسىردىق – 11:5. ەندى شيرەك فينالدا قازاقستاندىق ۆاتەرپولشىلار وڭتۇستىك افريكا رەسپۋبليكاسى قۇراما كومانداسىنا قارسى وينايدى.
عالىم سۇلەيمەن,
«Egemen Qazaqstan»