جحل: العاشقى ويىنداردى سىرتتا وتكىزەمىز  

پلەي-وفف سايىستارىنىڭ العاشقى اينالىمدارىندا بۇعان دەيىن حانتى-مانسيسكىنىڭ «يۋگراسى» (3:0) مەن المەتەۆسكىنىڭ «نەفتيانيگىن» (4:3) جەڭگەن جەرلەستەرىمىز جارتىلاي فينالدا سانكت-پەتەربۋرگتىڭ «سكا-نەۆاسىمەن» كۇش سىناساتىنى بەلگىلى.

العاشقى ەكى كەزدەسۋ 29 جانە 30 ناۋرىزدا نەۆا جاعالاۋىندا وتەدى. 2 جانە 3 ءساۋىر كۇندەرى رەسەيلىكتەر قازاقستانعا كەلەدى. ەگەر وسى ءتورت باسەكە بارىسىندا قوس كوماندانىڭ ءبىرى ءتورت مارتە جەڭىسكە جەتپەسە, وندا قوسىمشا ويىندار بەلگىلەنەدى. سونىڭ قورىتىندىسى بويىنشا فينالعا جولداما الاتىن كوماندا انىقتالادى.

ال كەلەسى جارتىلاي فينالدىق ماتچتا «توروس» (نەفتەكامسك) پەن «رۋبين» (تۇمەن) كلۋبتارى شەبەرلىك بايقاسادى.

عالىم سۇلەيمەن,

«Egemen Qazaqstan»