ناۋرىز مەرەكەسى قارساڭىندا كوكپەكتى اۋىلىنىڭ تۇرعىنى, 11 جىلدان بەرى پاتەر جالداپ جۇرگەن بورانباەۆتار اۋلەتى باقىتقا كەنەلدى. زۋحرا مەن ونىڭ التى بالاسىن قۋانتقان, وتاعاسى امانعاجىنى جىگەرلەندىرگەن كوكپەكتىلىك جومارت كاسىپكەر مەن اۋىلدىڭ اتقامىنەر جىگىتتەرى. قازىر زۋحرا بورانباەۆانىڭ جەتىنشى بالاعا اياعى اۋىر ەكەن.
ايى-كۇنى تاياپ وتىرعان انا, جاڭا باسپاناسىمەن قۇتتىقتاپ كەلگەن بىزبەن اقجارما تىلەگىن بىلايشا ءبولىستى: «اۋىلدا تۋىپ-ءوستىم. تۇرمىسقا شىققان سوڭ اتا-انامىزدان بولەك شىعايىق دەپ پاتەر جالدادىق. مەن قۇدايدىڭ بەرگەن بالالارىن باعىپ ۇيدە وتىردىم. وتاعاسى امانعاجى جالعىز باس كوتەرەر, ونىڭ تابىسى كيىم-كەشەك, تاماقتان اسپادى. اۋىلدا تۇرعىن ءۇي سالىنباعاندىقتان ءۇي كەزەگى دە جەتپەدى. بيىل دا اياعىم اۋىرلادى. جۇما كۇنى شەلپەك ءپىسىرىپ, اس قامداپ وتىر ەدىم, ۇيگە بۇرىن كوكپەكتى اۋىلىندا اكىم بولعان رۋسلان بەكتاسوۆ اعاي كەلىپ: ء«سىزدى «ەلىم-اي – كوكپەكتى» باسشىسى كەڭسەگە كەلسىن دەپ جاتىر» دەدى. بارساق, بولات بەكبەردينوۆ اعا: «مەن سىزدەرگە ءۇي الىپ بەردىم. مىناۋ كىلتى, مەرەكەڭىزبەن قۇتتىقتايمىن», دەدى. مەنىڭ ولارعا دەگەن العىسىم – امان-ەسەن بوسانىپ, وسى بالالارىمدى ناعىز ازامات ەتىپ تاربيەلەۋدەن باستالار. قىزدارىمدى اپايداي, ۇلدارىمدى اعايداي ەتىپ تاربيەلەپ, ەل قاتارىنا قوسقىم كەلەدى».
ءتورت بولمەلى ءۇيىن تاپ-تازا ەتىپ جيناپ قويىپتى. ۇلداردا – ءادىل, ۇلان, ءالينۇر ءۇشىن بولەك بولمە, قىزدار – گ ۇلىم, تولعاناي, توعجانعا دا جىلى, جارىق جاي بار ەكەن. قوناق بولمەسى مەن ءاسۇيى ات شاپتىرىم. جىلى, جارىق, تەرەزەگە گۇل ەككەن انا مەن بالانىڭ قۋانىشىندا شەك جوق. سىرتقى جاي بولەك شارۋاشىلىق – مونشا, گاراج, جازعى اس ءۇي, مال قورا, وتىن شوشالاسى ساقاداي ساي. «قايتسەم وتباسىمدى اسىرايمىن, بالالارىمدى جەتكىزەمىن, جارىمدى باقىتتى ەتەم» دەگەن امانعاجىنىڭ جىگەرىنە جىگەر, قايراتىنا قايرات قوسىلدى. بالالى ءۇيىن بازار ەتكەن اعالارىنا ءدان ريزا.
قايرات بەسبايىس,
جۋرناليست
شىعىس قازاقستان وبلىسى,
كوكپەكتى اۋدانى