قازىرگى تاڭدا ەلورداداعى قاتتى وتىننىڭ جالپى قورى 13 026,77 توننانى قۇرايدى, دەپ حابارلايدى قالالىق اكىمدىكتىڭ رەسمي سايتى.
كەشە ەلورداعا 1242 توننا كومىر اكەلىندى. ونىڭ 690 تونناسى – «شۇباركول», 552 تونناسى – «مايكوبە» كومىرى. ال كومىر باعاسى تومەندەگىدەي:
«شۇباركول» تونناسى – 11 300 تەڭگە,
«قاراجىرا» تونناسىنا – 12 700,
«مايكوبە» تونناسى – 12 000 تەڭگە,
«بوگاتىر كومىر» – 9 000 تەڭگە,
«كۋزنەتسكي» – 12 250 تەڭگە.
ايتا كەتەيىك, ەلوردانىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باعا ءوسىمىنىڭ الدىن الۋ ماقساتىندا كومىر ساتۋشىلارمەن مەموراندۋمدارعا قول قويدى. بۇگىنگى تاڭدا كومىر نارىعىنداعى جاعداي قالىپتى, پروبلەمالىق ماسەلەلەر جوق. قالا اكىمدىگى كومىر نارىعىنداعى جاعدايدى كۇن سايىن مونيتورينگتەن وتكىزىپ, ءوزىنىڭ تۇراقتى باقىلاۋىنا العان. «I-Kومەك 109» نەگىزىندە تۇرعىندارعا ارنالعان جەدەل جەلى قۇرىلدى.