30 ناۋرىزدا ساعات 09:00-دەن 13:00-گە دەيىن ونكولوگيا ورتالىعىنىڭ ەمحاناسىندا كولورەكتالدى وبىر (توق ىشەك) بويىنشا ونكولوگتار تۇرعىنداردى قابىلدايتىن بولادى, دەپ حابارلايدى ەلوردا اكىمدىگىنىڭ رەسمي سايتى.
دارىگەرلەر كولورەكتالدى وبىردىڭ نەگىزگى بەلگىلەرى بايقالسا, مىندەتتى تۇردە ونكولوگتىڭ قابىلداۋىنا بارۋ كەرەكتىگىن اتاپ ءوتتى.
«ەگەر ءسىز تۇراقتى ءىشتىڭ اۋىرۋى; تۇراقتى ءىش قاتۋ, ءىش ءوتۋ, ديارەيا, قان جانە/نەمەسە ءناجىستىڭ شىرىشتىعى; ىشەكتىڭ تولىق بوساماعانىن, ىشەكتىڭ قوزعالىسىن سەزىنۋ, ءناجىس شىعارۋ كەزىندە اۋىرسىنۋ; تىك ىشەكتەن قان كەتۋ, ناجىستەگى قاننىڭ قارا ىزدەرى; ءناجىس ءپىشىنىنىڭ وزگەرۋى (يرەلەڭدەگەن نەمەسە "قارىنداش ءتارىزدى"); قولايسىزدىق نەمەسە ءىشتىڭ كەبۋى; سەبەپسىز شارشاۋ, تابەتتىڭ جوعالۋى, سالماق جوعالتۋ; جامباستىڭ اۋىرسىنۋى سياقتى بەلگىلەردى بايقاساڭىز جانە ءسىزدىڭ جاسىڭىز 50-دەن اسسا, سىزگە ونكولوگتاردىڭ تەكسەرۋىنەن ءوتۋ قاجەت.
قابىلداۋعا كەلگەندەر ونكولوگتاردىڭ بىلىكتى كەڭەسىن الا الادى. جوعارىدا اتالعان بەلگىلەر بار بولعان جاعدايدا, سىزگە باسقا دا تەكسەرۋلەر تاعايىندالاتىن بولادى.
مەكەن-جايى: نۇر-سۇلتان قالاسى, ماناس كوشەسى, 17 بايلانىس تەلەفوندارى: 95-40-33, 95-40-34, 54-88-83.