سەيسەنبى, 13 ناۋرىز 2012 7:49
ناتو-نىڭ باس حاتشىسى اندرەس فوگ راسمۋسسەن امەريكالىق سولداتتىڭ16 بەيبىت اۋعاندى ولتىرۋىنە بايلانىستى وز كوڭىل ايتۋىن بىلدىردى.
ول اۋعانستانداعى ناتو اسكەرلەرىنىڭ باس قولباسشىسى, امەريكالىق گەنەرال دجون اللەنگە ادام ولىمىنە قاتىستىلاردى جاۋاپقا تارتۋدا بارىنشا كومەك كورسەتۋگە نيەتتى ەكەنىن اتاپ كورسەتتى. «تاليبان» يسلام قوزعالىسىنىڭ وكىلدەرى اۋعانستانداعى بەيبىت تۇرعىنداردىڭ قازا تاپقانى ءۇشىن وزدەرىنىڭ كەك قايتاراتىندارىنا ۋادە بەرىپ تە ۇلگەردى. ەل پرەزيدەنتى حاميد كارزاي ورىن العان وقيعانى «قاساقانا جانە ويلاستىرىلعان كۇش كورسەتۋ اكتىسى» دەپ سيپاتتاپ, اقش وكىمەتىنەن تۇسىنىك بەرۋدى تالاپ ەتىپ وتىر.
سەيسەنبى, 13 ناۋرىز 2012 7:49
ناتو-نىڭ باس حاتشىسى اندرەس فوگ راسمۋسسەن امەريكالىق سولداتتىڭ16 بەيبىت اۋعاندى ولتىرۋىنە بايلانىستى وز كوڭىل ايتۋىن بىلدىردى.
ول اۋعانستانداعى ناتو اسكەرلەرىنىڭ باس قولباسشىسى, امەريكالىق گەنەرال دجون اللەنگە ادام ولىمىنە قاتىستىلاردى جاۋاپقا تارتۋدا بارىنشا كومەك كورسەتۋگە نيەتتى ەكەنىن اتاپ كورسەتتى. «تاليبان» يسلام قوزعالىسىنىڭ وكىلدەرى اۋعانستانداعى بەيبىت تۇرعىنداردىڭ قازا تاپقانى ءۇشىن وزدەرىنىڭ كەك قايتاراتىندارىنا ۋادە بەرىپ تە ۇلگەردى. ەل پرەزيدەنتى حاميد كارزاي ورىن العان وقيعانى «قاساقانا جانە ويلاستىرىلعان كۇش كورسەتۋ اكتىسى» دەپ سيپاتتاپ, اقش وكىمەتىنەن تۇسىنىك بەرۋدى تالاپ ەتىپ وتىر.
تۇتىنۋشىلىق سەنىم تومەندەۋدە
جاپونيادا تۇتىنۋشىلىق سەنىم يندەكسى قاڭتار ايىنداعى كورسەتكىشپەنسالىستىرعاندا 0,5 پۋنكتكە تومەندەپ, 39,5 پۋنكتتى قۇرادى.
جاپونيا ۇكىمەتىنىڭ ەكونوميكالىق جانە الەۋمەتتىك زەرتتەۋلەر ينستيتۋتى وسىنداي اقپارات جاريالاپ وتىر. ءۇستىمىزدەگى جىلدىڭ قاڭتار ايىندا بۇل كورسەتكىش 40,0 پۋنكتتى قۇراعان بولاتىن. ساراپشىلار تاياۋداعى ايلاردا جاپون ەكونوميكاسى تولىقتاي قالپىنا كەلۋ جولىنا تۇسەتىن بولادى, وعان ەل بانكىنىڭ جۇمساق نەسيە-قارجى ساياساتى قولداۋ كورسەتەدى, دەپ ەسەپتەيدى. يەن باعامىنىڭ تومەندەۋى دە جاپون ەكسپورتىنىڭ باسەكەگە قابىلەتتىلىگىنە قولايلى جاعداي تۋعىزباق.
گازا سەكتورى تاعى بومبالاندى
يزرايل دۇيسەنبىگە قاراعان تۇنى گازا سەكتورىنا جاڭادان اۋەسوققىلارىن جاسادى.
پالەستينالىق مەديكتەردىڭ مالىمەتتەرى بويىنشا, گازا جانە حان-يۋنيس قالالارىنا جاسالعان اۋە سوققىسى سالدارىنان 2 ادام قازا تاپقان. سوڭعى 3 كۇندەگى ءيزرايلدىڭ اۋەدەن جاساعان سوققىلارى سالدارىنان گازادا قازا بولعان پالەستينالىقتار سانى 20-عا جەتىپ وتىر. ءۇش تاۋلىك ىشىندە گازا اۋماعىنان يزرايلگە 120-دان استام زىمىران اتىلعانى دا بەلگىلى بولدى. بۇل اتىستار ءۇشىن جاۋاپكەرشىلىكتى «يسلام جيحادى» جانە «قارسىلىق كورسەتۋ حالىق كوميتەتتەرى» توپتارى ءوز مويىندارىنا الىپ وتىر.
مەركەلدىڭ اۋعانستانعا ساپارى
گەرمانيا كانتسلەرى انگەلا مەركەل كۇتپەگەن جەردەن اۋعانستانداعى نەمىستىڭ اسكەري بازاسىنا ۇشىپ كەلدى.
امەريكالىق سولداتتىڭ بەيبىت تۇرعىنداردى ولتىرۋىنە بايلانىستى اۋعانستاندا قالىپتاسقان كۇردەلى احۋال سالدارىنان مەركەلدىڭ ساپارى ايرىقشا قاۋىپسىزدىك شارالارىمەن قامتاماسىز ەتىلۋدە. مەركەل قۇندىز پروۆينتسياسىندا قىزمەتتەرىن اتقارىپ جۇرگەن نەمىس سولداتتارىنا دا بارماق ەدى. بىراق اۋا رايىنىڭ قولايسىزدىعىنا بايلانىستى بۇل ساپاردان باس تارتۋعا تۋرا كەلدى. ايتا كەتۋ كەرەك, بۇل مەركەلدىڭ اۋعانستانداعى نەمىس اسكەريلەرىنە ءتورتىنشى رەت كەلۋى.
اسكەري ارالاسۋ دا جوققا شىعارىلمايدى
اقش پرەزيدەنتى اكىمشىلىگى سيريا حالقىنا قولداۋ كورسەتۋدىڭ جانە سيريا رەجىمىنە قىسىم جاساۋدىڭ بارلىق قۇرالدارىن پايدالانۋعا دايىن.
اق ءۇيدىڭ رەسمي وكىلى وسىلاي دەپ ءمالىمدەگەن. امەريكا تارابى اسكەري ارالاسۋدى دا جوققا شىعارمايدى, دەگەنمەن, ونى جۇزەگە اسىرۋعا ونشا اسىعىپ تا وتىرعان جوق. وباما اكىمشىلىگى ەكونوميكالىق سانكتسيالار باشار اسادتىڭ رەسۋرستارىن سارقىپ, رەجىمنىڭ قۇلاۋىن جەدەلدەتەدى دەپ ۇمىتتەنىپ وتىر. قالاي دەگەندە دە, سيريا ماسەلەسىن شەشۋدە حالىقارالىق قوعامداستىق ازىرگە ورتاق ءبىر ۇيعارىمعا كەلە العان جوق.
ارانداتۋدىڭ الدىن الماق
وڭتۇستىك كورەيا ارمياسىنىڭ قولباسشىسى كحدر-دىڭ تەڭىزدە جاساۋى مۇمكىن اسكەري ارانداتۋىنا قارسى قىراعىلىق پەن دايىندىقتى ارتتىرۋ قاجەتتىگىن ەسكەرتتى.
وڭتۇستىككورەيالىق اسكەريلەر اسكەري-تەڭىز بازالارىن جاسىرىپ تۇرعان مۇزدىڭ ەرۋىنە بايلانىستى كحدر اسكەري-تەڭىز كۇشتەرىنىڭ ءوز ءىس-قيمىلدارىنىڭ بەلسەندىلىگىن ارتتىرا تۇسەتىنىن اتاپ كورسەتىپ وتىر. الدىن الا ەسكەرتۋ جاساۋعا 26-27 ناۋرىزدا سەۋلدە وتەتىن يادرولىق قاۋىپسىزدىك جونىندەگى الەمدىك فورۋم دا بەلگىلى ءبىر جاعدايدا سەبەپكەر بولعانى انىق. ەل باسشىلىعى وسىعان وراي وڭتۇستىك كورەيا قاۋىپسىزدىگىن باقىلاۋدى كۇشەيتە تۇسپەك نيەتتە.
ميسسيا ورىندالماي قالدى
بۇۇ مەن اراب مەملەكەتتەرى ليگاسىنىڭ ارناۋلى وكىلى كوفي اننان سيريا باسشىلىعىمەن كەلىسسوزدەر كەزىندە ناقتىلى ناتيجەلەرگە قول جەتكىزە الماعانىن مويىندادى.
سونىمەن بىرگە ول داماسكىگە كەلەسى جولى كەلگەندە بيلىك پەن وپپوزيتسيانى تاتۋلاستىرا الاتىنىنا سەنىم ءبىلدىردى. كوفي انناننىڭ ايتۋىنشا, قانداي دا ءبىر ناتيجەگە قول جەتكىزۋ مۇمكىن بولۋى ءۇشىن داماسكىدە ۇزاعىراق بولعان ورىندى ەدى. سونداي-اق ول كىممەن بولماسىن كەزدەسكەندە, اڭگىمەنىڭ تەك بەيبىتشىلىك تۋرالى عانا بولعانىن, بەيبىت ءومىردىڭ بارشا ءۇشىن دە قاجەت ەكەنىن اتاپ كورسەتكەن.
شيتتەر نارازىلىق بىلدىرۋدە
باحرەيندە بىرنەشە كۇننەن بەرى مىڭداعان ادامدار قاتىسقان نارازىلىق اكتسيالارى جالعاسۋدا.
كورولدىكتەگى تولقۋلاردىڭ بۇكىل ءوڭىر ءۇشىن اۋىر زارداپتار اكەلۋى مۇمكىن. ميتينگىگە شىققانداردىڭ نەگىزگى بولىگىن شيتتەر قۇرايدى, ولار ەلدى ازشىلىقتاعى سۋنيتتەردىڭ بيلەۋىنە شەكتەۋ قويۋدى تالاپ ەتۋدە. باحرەين پوليتسياسى ۇكىمەتكە قارسى ەرەۋىلدى تاراتۋ ءۇشىن كوزدەن جاس شىعاراتىن گاز قولدانۋدا. كورولدىك بيلىك بولسا احۋال 45 ادامنىڭ قازا تابۋىنا اپارىپ سوقتىرعان وتكەن جىلعى وقيعاداي باقىلاۋدان شىعىپ كەتە مە دەگەن الاڭداۋشىلىق بىلدىرۋدە. ءسوز ورايىندا, شيتتەردى يراننىڭ قولدايتىنىن, ال كورول وتباسىنىڭ ساۋد ارابياسى مەن اقش-قا ارقا سۇيەيتىنىن ايتا كەتۋ قاجەت.
ينتەرنەت ماتەريالدارى نەگىزىندە ازىرلەندى.