قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 2-قوسىمشا
“اباي وقۋلارى” رەسپۋبليكالىق بايقاۋىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى قازاقستان رەسپۋبليكاسى ۇكىمەتىنىڭ 2008 جىلعى 24 جەلتوقسانداعى №1246 قاۋلىسىمەن بەكىتىلگەن تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2009-2010 جىلدارعا ارنالعان ءىس-شارالار جوسپارىنىڭ 25-تارماعىن ورىنداۋ, مەملەكەتتىك ءتىلدىڭ قولدانۋ اياسىن كەڭەيتۋ جانە اباي شىعارماشىلىعىن ناسيحاتتاۋ ارقىلى قازاق مادەنيەتىنە, ءتىلى مەن ادەبيەتىنە دەگەن وزگە ۇلت وكىلدەرىنىڭ ىقىلاسىن ارتتىرۋ, قازاقستاندىق رۋحاني بىرلىكتى قۋاتتاۋ, وتانسۇيگىشتىك سەزىمدى ارتتىرۋ ماقساتىندا 2010 جىلعى قىركۇيەك ايىندا قازاقستاندا تۇراتىن وزگە ۇلت وكىلدەرى اراسىندا رەسپۋبليكالىق “اباي وقۋلارى” بايقاۋىن وتكىزەدى.
بايقاۋدىڭ مىندەتتەرى:
1. قازاق ءتىلىنىڭ كوركەمدىك كەلىسىمىن, باي قورىن اباي شىعارمالارى ارقىلى ناسيحاتتاۋ;
2. اباي شىعارمالارى نەگىزىندە قوعامدىق ىنتىماقتاستىقتى ورنىقتىرۋ;
3. اباي شىعارمالارى ارقىلى كوركەمسوز وقۋ شەبەرلىگىن, ءتىل مادەنيەتىن جەتىلدىرۋ;
4. اباي شىعارمالارىن ءتىل ۇيرەنۋدىڭ ءتيىمدى ءادىسى رەتىندە تانىتۋ.
بايقاۋ شارتتارى:
“اباي وقۋلارى” بايقاۋىنا قازاقستاندا تۇراتىن وزگە ۇلتتار وكىلدەرى شاقىرىلادى. ءار وبلىستان جانە الماتى, استانا قالالارىنان كوركەم ءسوز وقۋ مەن ءان ايتۋ شەبەرلىكتەرىن قاتار يگەرگەن 18-30 جاس ارالىعىنداعى 1 ۇمىتكەردەن قاتىسا الادى.
بايقاۋ ءۇش تاپسىرمادان تۇرادى:
1. كوركەم ءسوز وقۋ شەبەرلىگىن ايقىنداۋ:
- اباي شىعارمالارىن (پوەزيا, قارا سوزدەرى) قازاق تىلىندە جاتقا وقۋ;
- “اباي جولى” رومانىنان قازاق تىلىندە جاتقا ءۇزىندى وقۋ.
2. انشىلىك قابىلەتىن تانىتۋ – اباي اندەرىن نەمەسە قازاق حالىق اندەرىن ورىنداۋ (1 ءان).
بايقاۋ ەكى كەزەڭدە وتەدى.
ءبىرىنشى كەزەڭ – وبلىستىق (قالالىق) ىرىكتەۋ بايقاۋلارى (ايماقتىق بايقاۋدىڭ جەڭىمپازدارى تۋرالى اقپاراتتار ۇستىمىزدەگى جىلعى تامىزدىڭ 30-نا دەيىن ءتىل كوميتەتىنە جولدانۋى ءتيىس);
ەكىنشى كەزەڭ – رەسپۋبليكالىق بايقاۋ, قازاقستان حالىقتارى تىلدەرى فەستيۆالىنىڭ اياسىندا قىركۇيەك ايىندا وتەدى.
رەسپۋبليكالىق بايقاۋدىڭ ساراپشىلارى بايقاۋعا قاتىسۋشىلاردى الدىن-الا تىڭداپ, ساحنادان وقىلاتىن ولەڭدەرىن ىرىكتەيدى.
ۇمىتكەرلەر ونەرىن باعالاۋ كەزىندە:
كوركەم ءماتىندى وقۋ شەبەرلىگىنە;
قازاق تىلىندە ورفوەپيالىق تۇرعىدان تازا سويلەۋىنە;
ءان ورىنداۋ قابىلەتىنە;
ساحنالىق مادەنيەتىنە نازار اۋدارىلادى.
بايقاۋ جەڭىمپازدارى ديپلومدارمەن جانە باعالى سىيلىقتارمەن ماراپاتتالادى.
مەكەن-جايىمىز: استانا قالاسى, ەسىلدىڭ سول جاعالاۋى, “مينيسترلىكتەر ءۇيى” عيماراتى, 15-كىرەبەرىس. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى, “اباي وقۋلارى” رەسپۋبليكالىق بايقاۋى.
بايلانىس تەلەفوندارى: 8 (7172) 74-05-01 (تەل/فاكس 74-05-06); E-ءmaىl: ءahaeva@mkى.kz
ەسكەرتۋ: بۇرىنعى بايقاۋلاردىڭ جۇلدەگەرلەرى بيىل وتكىزىلەتىن رەسپۋبليكالىق بايقاۋلارعا جىبەرىلمەيدى.
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 3-قوسىمشا
قازاق پوەزياسى اۋدارماشىلارى رەسپۋبليكالىق بايقاۋىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى قازاقستان رەسپۋبليكاسى ۇكىمەتىنىڭ 2008 جىلعى 24 جەلتوقسانداعى № 1246 قاۋلىسىمەن بەكىتىلگەن تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2009-2010 جىلدارعا ارنالعان ءىس-شارالار جوسپارىنىڭ 25-تارماعىن ورىنداۋ, قازاقتىڭ ادەبي ءتىلى مەن ءتىل مادەنيەتىن, قازاق پوەزياسىن ناسيحاتتاۋ ماقساتىندا 2010 جىلعى قىركۇيەك ايىندا قازاق اقىندارى شىعارمالارىنىڭ ورىس جانە اعىلشىن تىلدەرىنە دۇرىس اۋدارىلۋىنا قولداۋ كورسەتۋ ماقساتىندا اۋدارماشى اقىنداردىڭ رەسپۋبليكالىق بايقاۋىن وتكىزەدى.
بايقاۋدىڭ ماقساتى مەن مىندەتتەرى:
1. قازاق پوەزياسىن باسقا تىلدەرگە اۋدارۋ ۇردىسىنە قولداۋ كورسەتۋ;
2. قازىرگى زامانعى قازاق پوەزياسىن ورىس ءتىلدى اۋديتورياعا جەتكىزۋ;
3. اۋدارماشى اقىنداردىڭ بىلىكتىلىگى مەن تاجىريبەسىن جەتىلدىرۋگە ىقپال ەتۋ;
4. اۋدارماشى اقىن-جازۋشىلاردى مورالدىك جانە ماتەريالدىق تۇرعىدان كوتەرمەلەۋ.
بايقاۋ شارتتارى:
اۋدارماشى اقىنداردىڭ رەسپۋبليكالىق بايقاۋىنا قازاق پوەزياسىن ورىس جانە اعىلشىن تىلىنە اۋدارىپ, ناسيحاتتاپ جۇرگەن اۋدارماشى اقىندار قاتىسا الادى.
بايقاۋعا قاتىسۋشىلاردىڭ جاسىنا شەك قويىلمايدى.
رەسپۋبليكالىق بايقاۋعا قاتىسۋ ءۇشىن ۇمىتكەر بۇرىن جاريالانباعان ورىس نەمەسە اعىلشىن تىلىندەگى 100-150 جول اۋدارماسىن (قازاق تىلىندەگى ءتۇپ نۇسقاسىمەن بىرگە) جانە ءوزى تۋرالى مالىمەتتەردى (قىسقاشا ءومىربايانى, ادەبيەت سالاسىنداعى ەڭبەكتەرى كورسەتىلگەن انىقتامالىق پاراقشا) 2010 جىلدىڭ 1 قىركۇيەگىنە دەيىن ۇيىمداستىرۋ كوميتەتىنە جولداۋعا ءتيىس.
جولدانعان شىعارمالار قازىلار القاسىنىڭ سارالاۋى مەن ىرىكتەۋىنەن وتەدى. ۇزدىك دەپ تانىلعان ۇمىتكەرلەر رەسپۋبليكالىق بايقاۋدىڭ كەلەسى كەزەڭىنە ارنايى شاقىرىلادى.
بايقاۋدىڭ بۇل شەشۋشى كەزەڭىندە:
1. ۇمىتكەر الدىمەن اۋدارىلعان شىعارمانى تانىستىرىپ, ونى تۇپنۇسقا تىلىندە قازاقشا وقيدى (نەمەسە باسقا ادامعا نە كونكۋرستى جۇرگىزۋشىلەرگە وقىتۋعا بولادى);
2. ودان كەيىن اۋدارماشى ءوز تارجىمەسىن وقيدى.
ءار ۇمىتكەرگە 10 ءمينوت ۋاقىت بەرىلەدى. وسى ۋاقىتتا بەرىلگەن شارتتار تولىعىمەن قامتىلىپ, تاپسىرما ورىندالۋى كەرەك. مۇندا قاتىسۋشىنىڭ اۋدارماسىنداعى اۋدارۋ شەبەرلىكتەرى, تاپقىرلىعى, ويدى جەتكىزۋى, ولەڭدەردى تاڭداي ءبىلۋى, تارجىمالىك شەبەرلىگى جان-جاقتى كورىنىس تابۋى ءتيىس. ولەڭ وقۋ كەزىندە مۋزىكالىق سۇيەمەلدەۋدى, ەلەكتروندىق بەينەكورىنىستەردى قولدانۋىنا بولادى.
الدىن-الا ىرىكتەۋدەن وتكەن بايقاۋعا قاتىسۋشى ۇمىتكەرلەردىڭ شىعارماشىلىق ونەرىن 5 ادامنان تۇراتىن قازىلار القاسى باعالايدى. ولار ءاربىر قاتىسۋشىعا 1-دەن 10-عا دەيىنگى بالدىق باعا بەرۋ ءادىسىن پايدالانادى. جەڭىمپاز جيناعان بالل سانى بويىنشا ايقىندالادى.
جۇلدەلى ورىندار بىلاي بەلگىلەنەدى:
ءى باس جۇلدە;
ءىى ورىن;
ءىىى ورىن;
ءىV ورىن;
V ىنتالاندىرۋ سىيلىقتارى.
مەكەن-جايىمىز: استانا قالاسى, سول جاعالاۋ, ورىنبور كوشەسى, 8-ءۇي, مينيسترلىكتەر ءۇيى, 15-كىرەبەرىس قر مادەنيەت جانە اقپارات مينيسترلىگىنىڭ ءتىل كوميتەتى. قازاق پوەزياسى اۋدارماشىلارى رەسپۋبليكالىق بايقاۋىنا.
بايلانىس تەلەفوندارى: 8 (3172) 74-05-02; فاكس: 74-05-06, 74-05-08.
E-ءmaىl: ءeljanaltaى@maىl.ru; ءىnfokazakhtىlى@maىl.ru; ءtىlkomىtetى@gmaىl.com.
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 4-قوسىمشا
كوركەمسوز وقۋ شەبەرلەرىنىڭ ورالحان بوكەي اتىنداعى ءحىى رەسپۋبليكالىق بايقاۋىن وتكىزۋدىڭ ەرەجەسى
1. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانىلۋ اياسىن كەڭەيتۋ, ءتىل مادەنيەتىن كوتەرۋ, كوركەم ادەبيەتتى ناسيحاتتاۋدى جانداندىرۋ, حالىق اراسىنان تالاپتى, تالانتتى جاستاردى ىزدەپ تابۋ ماقساتىندا كوركەمسوز وقۋ شەبەرلەرىنىڭ ورالحان بوكەي اتىنداعى ءحىى رەسپۋبليكالىق بايقاۋىن وتكىزەدى.
2. بايقاۋ 2 كەزەڭنەن تۇرادى:
وبلىستىق (قالالىق) ىرىكتەۋ بايقاۋلارى شىلدە-تامىز ايلارىندا ءار وبلىس ورتالىعىندا جانە استانا, الماتى قالالارىندا;
رەسپۋبليكالىق بايقاۋ قازاقستان رەسپۋبليكاسى حالقىنىڭ ءتىل فەستيۆالى اياسىندا (قىركۇيەك-قازان ايلارى) استانا قالاسىندا وتەدى.
3. بايقاۋعا 15-30 جاس ارالىعىنداعى تالاپكەرلەر قاتىسا الادى.
4. كاسىبي ونەر سالاسىنىڭ ماماندارى, وسى سالاداعى وقۋ ورىندارىنىڭ ستۋدەنتتەرى بايقاۋعا جىبەرىلمەيدى.
5. بايقاۋعا قاتىسۋشىلار 3 تاپسىرما ورىنداۋى ءتيىس:
- پروزالىق شىعارمادان ءۇزىندى وقۋ;
- درامالىق شىعارمادان ءۇزىندى وقۋ;
- مانەرلەپ ولەڭ وقۋ.
6. بايقاۋ شارتتارى:
وقىلاتىن ءماتىن كولەمى 5-6 مينوتتەن اسپاۋى كەرەك;
دايىن فونوگراممالاردى پايدالانۋعا تىيىم سالىنادى;
بەلگىسىز اۆتورلاردىڭ كوركەمدىگى تومەن شىعارمالارىنان ءۇزىندى وقۋعا بولمايدى;
تالاپكەر ساراپقا ۇسىنۋعا تاڭداپ الىنعان ماتىندەردى جاتقا بىلۋلەرى قاجەت.
7. رەسپۋبليكالىق بايقاۋعا وبلىستاردا, استانا جانە الماتى قالالارىندا وتكەن بايقاۋلاردىڭ جەڭىمپازدارى ء(بىر-بىردەن) قاتىستىرىلادى. ولارعا جەرگىلىكتى ءتىل باسقارمالارى جولداما بەرەدى.
8. رەسپۋبليكالىق بايقاۋدىڭ ساراپشىلارى ۇمىتكەرلەر ونەرىن باعالاۋ كەزىندە ولاردىڭ:
كوركەم ءماتىندى وقۋ شەبەرلىگىنە;
داۋىس مانەرىنە جانە ءتىل تازالىعىنا;
ءماتىندى تاڭداۋ تالعامىنا;
ساحنادا ءوزىن-ءوزى ۇستاۋىنا;
كيىم سانىنە باسا نازار اۋدارادى.
9. بايقاۋ جەڭىمپازدارى باس جۇلدەمەن جانە ديپلومدارمەن, باعالى زاتتاي سىيلىقتارمەن ماراپاتتالادى.
انىقتاما ءۇشىن مەكەن-جايىمىز: 010000, استانا قالاسى, ەسىل وزەنىنىڭ سول جاعالاۋى, مينيسترلىكتەر ءۇيى, “ا” بلوگى, 2-قابات 4-بولىك. قر مادەنيەت جانە اقپارات مينيسترلىگى ءتىل كوميتەتى, بايلانىس تەلەفوندارى: (7172) 74-05-10, 74-05-06 (فاكس).
E-ءmaىl: ءىnfokazakhtىlى@maىl.ru, ءAbdualىeva@mkى.kz
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 5-قوسىمشا
“مەملەكەتتىك ءتىل – مەملەكەتتىك قىزمەتتە” رەسپۋبليكالىق بايقاۋىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى قازاقستان رەسپۋبليكاسى ۇكىمەتىنىڭ 2008 جىلعى 24 جەلتوقسانداعى №1246 قاۋلىسىمەن بەكىتىلگەن تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2009-2010 جىلدارعا ارنالعان ءىس-شارالار جوسپارىنىڭ 27-تارماعىن ورىنداۋ, مەملەكەتتىك ءتىلدىڭ قولدانىلۋ اياسىن كەڭەيتۋ جانە ونى دامىتۋ ماقساتىندا 2010 جىلعى قىركۇيەك ايىندا ورتالىق جانە جەرگىلىكتى مەملەكەتتىك ورگانداردا, مەملەكەتتىك ۇيىمدار مەن كاسىپورىنداردا قىزمەت ىستەيتىن ماماندار اراسىنداعى “مەملەكەتتىك ءتىل – مەملەكەتتىك قىزمەتتە” رەسپۋبليكالىق بايقاۋى وتكىزىلەدى.
بايقاۋدىڭ ماقساتى مەن مىندەتتەرى:
1. مەملەكەتتىك باسقارۋ ورگاندارىندا, مەملەكەتتىك ۇيىمدار مەن كاسىپورىنداردا “قازاقستان رەسپۋبليكاسىنداعى ءتىل تۋرالى” زاڭدى, تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن جۇزەگە اسىرۋ;
2 مەملەكەتتىك قىزمەتشىلەر اراسىندا مەملەكەتتىك ءتىل ساياساتىن ناسيحاتتاۋ;
3. مامانداردىڭ ءىس جۇرگىزۋدەگى بىلىكتىلىگى مەن تاجىريبەسىن ساراپتاۋ, ءتىل مادەنيەتىن ورنىقتىرۋ;
4. مەملەكەتتىك تىلدە ءىس جۇرگىزۋدىڭ ساپاسىن ارتتىرۋ;
5. مەملەكەتتىك تىلدە ۇزدىك ءىس جۇرگىزۋشى مەكەمە, ۇيىمداردى, قىزمەتكەرلەردى مورالدىق جانە ماتەريالدىق تۇرعىدان كوتەرمەلەۋ.
بايقاۋدىڭ شارتى:
“مەملەكەتتىك ءتىل – مەملەكەتتىك قىزمەتتە” رەسپۋبليكالىق كونكۋرسىنا مەملەكەتتىك ورتالىق باسقارۋشى ورگانداردىڭ, وبلىستاردىڭ جانە الماتى مەن استانا قالالارىنىڭ جەرگىلىكتى ورگاندارىنىڭ قىزمەتكەرلەرىنەن قۇرىلعان توپتار (كوماندالار) قاتىسادى. بىرنەشە ۇيىم نەمەسە مەكەمەلەر اتىنان قۇراما توپ (كوماندا) جاساقتاۋعا بولادى. ءار كوماندا 5 ادامنان تۇرۋعا ءتيىس.
بايقاۋعا ورتالىق باسقارۋ ورگاندارى بويىنشا جانە وبلىستىق دەڭگەيدە وتكىزىلگەن بايقاۋلاردىڭ جەڭىمپازى اتانىپ, وبلىستىق جانە قالالىق ءتىل باسقارمالارىنىڭ جولدامالارىمەن جىبەرىلگەن توپتار قاتىسادى.
رەسپۋبليكالىق بايقاۋعا سالالىق ورتالىق باسقارۋ ورگاندارىنان جانە وبلىستاردان قاتىساتىن جەڭىمپاز-ۇمىتكەرلەر 2010 جىلدىڭ قىركۇيەك ايىنا دەيىن قۇجاتتارىن (قىسقاشا ومىرباياندىق تۇيىندەمە تۇرىندەگى مالىمەتتەر, مەملەكەتتىك قىزمەتتەگى ەڭبەكتەرى كورسەتىلگەن انىقتامالىق پاراقشا) قر مادەنيەت جانە اقپارات مينيسترلىگىنىڭ ءتىل كوميتەتىنە جولداۋعا ءتيىس.
بايقاۋعا قاتىسۋشى توپتار مىناداي مازمۇنداعى تالاپتاردى ەسكەرىپ, ساحنالىق كورىنىس رەتىندە وتكىزۋى ءتيىس (سىن, يۋمور قوسا وتىرىپ):
1. قاتىسۋشى كوماندانى تانىستىرۋ: اتاۋى, ۇرانى, ماقساتى مەن مىندەتى, 2 مين.;
2. ء“ىس جۇرگىزۋدەگى ءسوز قولدانۋ جانە پىكىرسايىس” (مەملەكەتتىك تىلدە باسقارۋ جۇمىسى مەن ءىس جۇرگىزۋگە قاتىستى قۇجاتتاردىڭ (قاۋلى, شەشىم, وكىم, بۇيرىق جانە ت.ب.) جۇرگىزىلۋى تۋرالى, جۇمىس بارىسىنداعى تالداۋ, ساراپتاۋ, ەسەپ بەرۋ, بايانداما جاساۋ, رەسمي ءسوز سويلەۋ, وعان پىكىرلەر مەن ۇسىنىستار ايتۋ) 5 مين.;
3. “قازاق ءتىلى جاڭا تەحنولوگيالار الەمىندە” ء(ۇي تاپسىرماسى, مەملەكەتتىك ءتىلدى قولدانۋ ماقساتىنداعى كومپيۋتەرلىك باعدارلامالارىنا قاتىستى بىلىكتىلىگىن, بەينەروليكتەر مەن كليپتەر كورسەتۋ جانە ت.ب. ونەرتاپقىشتىق جوبالارىن تانىستىرۋ) 4 مين.;
4. “تەرميندەر الەمى” (كونكۋرستا بەرىلەتىن اۋىزشا تاپسىرما, قاتىسۋشى توپقا ورىس تىلىندەگى تەرميندەر ءتىزىمى جازىلعان پاراقشا ۇسىنىلادى. توپ مۇشەلەرى كورسەتىلگەن تەرميندەردىڭ قازاقشا بالامالارىن تاۋىپ ايتىپ بەرۋى ءتيىس) 2 مين;
5. “قازاق ءسوزى” ء(تىل تۋرالى دانالىق سوزدەردەن, ايگىلى عالىمدار مەن ساياسي قايراتكەرلەردىڭ سوزدەرىن ناسيحاتتاۋ, نەمەسە مەملەكەتتىك تىلگە قاتىستى قىزمەت بابىنداعى ۇسىنىس, وي-پىكىرىن ورتاعا سالۋ, رەسمي قۇجاتتاردان دايەكسوز الىپ (زاڭنامالار مەن ەلباسى سوزدەرىن, جارلىق, باعدارلاما جانە ت.ب. قولدانۋعا بولادى) قورىتىندىلاي ءبىلۋ) 2 مين.
ءار قاتىسۋشى كومانداعا 15 ءمينوت ۋاقىت بەرىلەدى. مۇندا قاتىسۋشى توپتىڭ بەلسەندىلىگى, ويناۋ, كورسەتۋ شەبەرلىكتەرى, تاپقىرلىعى, ويدى جەتكىزۋى, ءتىل بايلىعى مەن مادەنيەتى كورىنىس تابۋى ءتيىس. ويىندارىن كورسەتۋ بارىسىندا مۋزىكالىق سۇيمەلدەۋدى, ەلەكتروندىق بەينەكورىنىستەردى قولدانۋعا بولادى.
بايقاۋدى وتكىزۋ ءتارتىبى:
بايقاۋعا قاتىسۋشىلاردىڭ قابىلەتى مەن شەبەرلىگىن 7 ادامنان تۇراتىن قازىلار القاسى ساراپتاپ, باعالايدى. ءار تاپسىرما 1-دەن 10-عا دەيىنگى بالدىق باعالاۋ كورسەتكىشىن بەرەدى. ءار قاتىسۋشى كومانداعا بەرىلگەن بالدىق جۇيە بويىنشا باعا بەرۋ ادىسىمەن, ونىڭ قورىتىندىسى بويىنشا انىقتالادى.
بايقاۋدى 1 كۇندە وتكىزۋ جوسپارلانادى. قاتىسۋشىلاردىڭ بارلىعى ءتيىستى شارتتاردى ورىنداپ بولعاننان كەيىن قازىلار القاسىنىڭ داۋىس بەرۋى بويىنشا جەڭىمپازدار انىقتالادى.
جۇلدەلى ورىندار بىلاي بەلگىلەنەدى:
باس جۇلدە;
1-ءشى ورىن;
2-ءشى ورىن (2 جۇلدە);
3-ءشى ورىن (3 جۇلدە);
ىنتالاندىرۋ سىيلىقتارى.
جەڭىمپازدارعا ارنايى ديپلومدار مەن باعالى سىيلىقتار تاپسىرىلادى.
مەكەن-جايىمىز: استانا قالاسى, سول جاعالاۋ, ورىنبور كوشەسى, 8-ءۇي, مينيسترلىكتەر ءۇيى, 15-كىرەبەرىس, قر مادەنيەت جانە اقپارات مينيسترلىگىنىڭ ءتىل كوميتەتى. “مەملەكەتتىك ءتىل – مەملەكەتتىك قىزمەتتە” رەسپۋبليكالىق بايقاۋى.
بايلانىس تەلەفوندارى: 8 (3172) 74-05-02; فاكس: 74-05-06, 74-05-08.
E-ءmaىl: ءeljanaltaى@maىl.ru; ءىnfokazakhtىlى@maىl.ru; ءtىlkomىtetى@gmaىl.com.
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 6-قوسىمشا
“مەملەكەتتىك ءتىل جانە بۇقارالىق اقپارات قۇرالدارى” رەسپۋبليكالىق كونكۋرسىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى قازاقستان رەسپۋبليكاسى ۇكىمەتىنىڭ 2008 جىلعى 24 جەلتوقسانداعى “تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2009-2010 جىلدارعا ارنالعان ءىس-شارالار جوسپارى تۋرالى” №1246 قاۋلىسىنىڭ 26-تارماقشاسىنا سايكەس مەملەكەتتىك ءتىل ساياساتىن بۇقارالىق اقپارات قۇرالدارىندا كەڭىنەن ناسيحاتتاۋ, مەملەكەتتىك ءتىلدىڭ قازاق جانە ورىس ءتىلدى باسىلىمداردا ناسيحاتتالۋ بەلسەندىلىگىن ارتتىرۋ ماقساتىندا “مەملەكەتتىك ءتىل جانە بۇقارالىق اقپارات قۇرالدارى” اتتى رەسپۋبليكالىق كونكۋرس وتكىزەدى.
بۇل كونكۋرسقا ەلىمىزدىڭ قوعامدىق ومىرىندە مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ, جاريالانىمدار مەن حابارلاردىڭ ساپاسىن جاقسارتۋ جانە قازىرگى مەملەكەتتىك ءتىلدىڭ احۋالى تۋرالى وتكىر دە وزەكتى, سىني ماتەريالدار جاريالاعان جەكەلەگەن تىلشىلەر مەن شىعارماشىلىق توپتار جانە بۇقارالىق اقپارات قۇرالدارى قاتىسا الادى.
كونكۋرس بەس نوميناتسيادان تۇرادى:
ۇجىمدىق شىعارماشىلىق توپتار بويىنشا:
- “ۇزدىك باسىلىم”;
- “ۇزدىك تەلەارنا”;
- “ۇزدىك راديو”;
- “ۇزدىك سايت (پورتال)”;
جەكەلەگەن اۆتورلار شىعارماشىلىعى بويىنشا:
- “ۇزدىك اۆتور”
كونكۋرس 2010 جىلعى 10 قاڭتار مەن 10 ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمداردى, ەفيردەن وتكەن حابارلاردى, قازاق تىلىندە جۇمىس ىستەپ جاتقان ارنايى سايتتاردى قامتيدى.
كونكۋرس ماتەريالدارى جاريالانعان كۇيىندە (گازەت-جۋرنالدار بەتتەرىندە, بەينە جانە اۋديوكاسسەتالار تۇرىندە) ءتيىستى باسپا جانە ەلەكتروندىق بۇقارالىق اقپارات قۇرالدارى وكىلدەرىنىڭ ۇسىنىسى بويىنشا 1 ماۋسىمعا دەيىن قابىلدانادى.
قازىلار القاسىندا سارالانىپ, ۇزدىك دەپ تانىلعان تۋىندىلار انىقتالعاننان كەيىن جۇلدەگەرلەر ەسىمى 2010 جىلعى 25 ماۋسىمدا استانا قالاسىندا ايگىلەنىپ, باعالى سىيلىقتارمەن ماراپاتتالادى.
كونكۋرسقا ۇسىنىلاتىن ماتەريالدار 2010 جىلدىڭ 10 ماۋسىمىنا دەيىن مىنا مەكەن-جايعا جانە ەلەكتروندىق پوشتاعا جولدانۋى ءتيىس:
استانا قالاسى, قر مادەنيەت جانە اقپارات مينيسترلىگىنىڭ ءتىل كوميتەتى, مينيسترلىكتەر ءۇيى, ا-بلوگى, 2-قابات
بايلانىس تەلەفوندارى: 8 (7172) 74-05-10, 74-05-06 (تەل/فاكس);
E-ءmaىl: ءىnfokazakhtىlى@maىl.ru
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 7-قوسىمشا
“قازاق ءتىلىنىڭ ۇزدىك وقىتۋشىسى” رەسپۋبليكالىق بايقاۋىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانۋ اياسىن كەڭەيتۋ جانە دامىتۋ, سونداي-اق مەملەكەتتىك قىزمەتكەرلەرگە قازاق ءتىلى پانىنەن ساباق بەرەتىن وقىتۋشىلاردىڭ ادىستەمەلىك ساۋاتتىلىعىن ارتتىرۋ, قازاق ءتىلىن وقىتۋدىڭ الگوريتمدىك ادىستەرىن قالىپتاستىرۋ, ۇلتتىق پەداگوگيكا پرينتسيپتەرىن جۇزەگە اسىرۋ ماقساتىندا مەملەكەتتىك مەكەمەلەردە قازاق تىلىنەن ساباق بەرەتىن وقىتۋشىلار اراسىندا رەسپۋبليكالىق “قازاق ءتىلىنىڭ ۇزدىك وقىتۋشىسى” بايقاۋىن وتكىزەدى.
بايقاۋدىڭ ماقساتى مەن مىندەتتەرى:
1. مەملەكەتتىك ءتىلدىڭ مارتەبەسى مەن ماڭىزىن كەڭىنەن ناسيحاتتاۋ;
2. قازاق تىلىنەن ساباق بەرەتىن وقىتۋشىلاردىڭ قوعامدىق مارتەبەسى مەن كاسىپقويلىعىن, بەدەلىن ارتتىرۋ;
3. كاسىپتىك پەداگوگيكالىق شىعارماشىلىقتى ىنتالاندىرۋ;
4. وقىتۋشىنىڭ ادىستەمەلىك شەبەرلىگىن شىڭداۋ, ءتىل ۇيرەتۋدىڭ وزىق ادىستەمەسىن ناسيحاتتاۋ, تاراتۋ;
5. پەداگوگيكالىق قىزمەتتەگى يننوۆاتسيالىق تاسىلدەردى قولدانۋ ۇلگىلەرىن انىقتاۋ جانە تاراتۋ;
6. وقىتۋشىلاردىڭ ساباق بەرۋدەگى بىلىكتىلىگى مەن تاجىريبەسىن ساراپتاۋ;
7. مەملەكەتتىك قىزمەتكەرلەرگە قازاق تىلىنەن ساباق بەرۋدىڭ ساپاسىن ارتتىرۋ, وزگە ۇلت وكىلدەرىنىڭ قازاق ءتىلىن وقىپ-ۇيرەنۋگە دەگەن ىقىلاسى مەن قىزىعۋشىلىعىن ارتتىرۋ.
بايقاۋ شارتتارى:
“قازاق ءتىلىنىڭ ۇزدىك وقىتۋشىسى” بايقاۋىنا رەسپۋبليكا اۋماعىندا مەملەكەتتىك مەكەمەلەردە قازاق تىلىنەن ساباق بەرەتىن وقىتۋشىلار قاتىسادى.
كونكۋرسقا قاتىسۋشىلارعا قويىلاتىن تالاپتار:
قازاق ءتىلىن وقىتۋدىڭ سالالىق اۆتورلىق باعدارلاماسىن جاساۋ;
وقىتۋشىنىڭ ادىستەمەلىك قورىمەن تانىستىرۋ جانە ونىڭ ءتيىمدى قولدانىلۋىن دالەلدەۋ;
وقىتۋشىنىڭ سالالىق تەرمينولوگيانى ءبىلۋى جانە مەڭگەرتۋى;
ءتىل ۇيرەتۋدە وتق-نىڭ (وقىتۋدىڭ تەحنيكالىق قۇرالدارىنىڭ) قولدانىلۋىن كورسەتۋ;
قازاق ءتىلى ساباعى ارقىلى قازاقستاندىق ءپاتريوتيزمدى تاربيەلەۋدىڭ ساباقتاستىق ادىستەمەسىن كورسەتۋ;
ءتىل ۇيرەتۋ بارىسىندا جاعىمدى پسيحولوگيالىق ورتانى قالىپتاستىرۋ جولدارىمەن تانىستىرۋ.
بايقاۋ ءۇش كەزەڭدە وتەدى:
ءبىرىنشى كەزەڭ – وبلىستىق (قالالىق) دەڭگەيدە وتەدى. وبلىستىق, قالالىق ءتىل باسقارمالارى جانىنان بىلىكتى مامانداردان قازىلار القاسى قۇرىلادى. بايقاۋعا قاتىسۋعا ۇمىتكەر وقىتۋشىلاردىڭ قۇجاتتارى جينالادى, ساراپتالادى.
ەكىنشى كەزەڭ – وبلىستىق (قالالىق) تىلدەردى دامىتۋ باسقارمالارى بەكىتكەن كوميسسيا مۇشەلەرى, وزدەرى بەكىتكەن كەستەگە سايكەس ىرىكتەۋدەن وتكەن قاتىسۋشىلاردىڭ جۇمىس ىستەيتىن ورىندارىنا بارىپ, ساباعىنا قاتىسىپ, جۇمىسىن ساراپتاپ, جۇلدەگەرلەردى انىقتايدى. بايقاۋ قورىتىندىسى بويىنشا جۇلدەگەر اتالعان وقىتۋشىنىڭ قۇجاتتارى ءتىل كوميتەتىنە ءۇ.ج. قازان ايىنا دەيىن جولدانادى.
ءۇشىنشى كەزەڭ – ءتىل كوميتەتىنە جولدانعان وقىتۋشىلار استانا قالاسى ش.شاياحمەتوۆ اتىنداعى تىلدەردى دامىتۋدىڭ ۇيلەستىرۋ ادىستەمەلىك ورتالىعى مەن قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا ءوز ساباق ۇلگىلەرىن كورسەتەدى.
كوميسسيا قورىتىندىسى بويىنشا جۇلدەلى ورىندارعا يە بولعان وقىتۋشىلار ماراپاتتالادى.
بايقاۋ جەڭىمپازدارى ديپلومدارمەن جانە اقشالاي سىيلىقپەن ماراپاتتالادى.
مەكەن-جايىمىز: استانا قالاسى, ەسىلدىڭ سول جاعالاۋى, “مينيسترلىكتەر ءۇيى” عيماراتى, 15-كىرەبەرىس. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى, “قازاق ءتىلىنىڭ ۇزدىك وقىتۋشىسى” رەسپۋبليكالىق بايقاۋى.
بايلانىس تەلەفوندارى: 8 (7172) 74-04-56 (تەل/فاكس 74-05-06); E-ءmaىl: ءaىnagul_83@maىl.ru
قازاقستان رەسپۋبليكاسى مادەنيەت جانە اقپارات مينيسترلىگى ءتىل كوميتەتىنىڭ 2010 جىلعى
11 قاڭتارداعى №1 بۇيرىعىنا 8-قوسىمشا
ء“تىلدارىن-2010” رەسپۋبليكالىق وليمپياداسىنىڭ ەرەجەسى
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى قازاقستان رەسپۋبليكاسى ۇكىمەتىنىڭ 2008 جىلعى 24 جەلتوقسانداعى №1246 قاۋلىسىمەن بەكىتىلگەن تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2009-2010 جىلدارعا ارنالعان ءىس-شارالار جوسپارىنىڭ 16-تارماعىن ورىنداۋ, مەملەكەتتىك ءتىلدىڭ قولدانۋ اياسىن كەڭەيتۋ جانە دامىتۋ ماقساتىندا ء“تىلدارىن-2010” رەسپۋبليكالىق وليمپياداسىن (بۇدان ءارى – وليمپيادا) وتكىزەدى.
وليمپيادانىڭ وتكىزىلۋ ماقساتى:
1. ءۇش ءتىلدى – قازاق, ورىس جانە اعىلشىن تىلدەرىن جەتىك مەڭگەرگەن قابىلەتتى جاستاردى انىقتاۋ جانە قولداۋ.
2. تىلدىك قارىم-قاتىناس مادەنيەتىن قالىپتاستىرىپ, كوپ ءتىلدى مەڭگەرگەن تۇلعانى تاربيەلەۋ, قازاقستاندىق ءپاتريوتيزمدى نىعايتۋ, وزگە حالىقتاردىڭ مادەنيەتى مەن ءتىلىن قۇرمەتتەۋ.
وليمپيادانىڭ مىندەتتەرى:
1. قازاقستان رەسپۋبليكاسىنىڭ ءتىل ساياساتىن جۇزەگە اسىرۋ.
2. ءتىلدى مەڭگەرۋگە دەگەن قىزىعۋشىلىقتى ىنتالاندىرۋ.
3. جان-جاقتى دامىعان, باسەكەگە قابىلەتتى تۇلعا تاربيەلەۋ.
وليمپيادانىڭ شارتى:
وليمپياداعا 18 بەن 30 جاس ارالىعىنداعى كەز كەلگەن ازامات قاتىسا الادى.
وليمپيادا ەكى كەزەڭدە وتەدى:
ءبىرىنشى كەزەڭ – وبلىستىق;
ەكىنشى كەزەڭ – رەسپۋبليكالىق.
وليمپياداعا قاتىسۋشىلارعا مىناداي تاپسىرمالار بەرىلەدى:
1. بەرىلگەن تاقىرىپقا ساي “تۇساۋكەسەر” (پرەزەنتاتسيا) وتكىزۋ.
2. بەرىلگەن تاقىرىپ بويىنشا ەسسە جازۋ.
3. بەرىلگەن تاقىرىپ بويىنشا ءباسپاسوز ءماسليحاتىن وتكىزۋ.
4. ماتىنگە ىلەسپە اۋدارما جاساۋ.
وليمپياداعا قاتىسۋشىلار ءۇش كەزەڭنەن وتۋگە ءتيىس:
ءبىرىنشى كەزەڭ – قازاق ءتىلىن ءبىلۋ;
ەكىنشى كەزەڭ – اعىلشىن ءتىلىن ءبىلۋ;
ءۇشىنشى كەزەڭ – ورىس ءتىلىن ءبىلۋ.
وليمپيادانىڭ مىندەتتى شارتى – الدىڭعى دەڭگەيدەن (كەزەڭنەن) وتكەن قاتىسۋشى عانا كەلەسى دەڭگەيگە قاتىسا الادى.
وليمپيادانىڭ قورىتىندىسى ءۇش دەڭگەيدەن وتكەن قاتىسۋشىلار اراسىندا جۇرگىزىلەدى. باس جۇلدە يەگەرى رەسپۋبليكالىق كەزەڭگە جولداما الادى.
وبلىستىق, استانا جانە الماتى قالالارىنىڭ تىلدەردى دامىتۋ باسقارمالارى وليمپيادانىڭ وبلىستىق كەزەڭىن وتكىزۋ ءۇشىن قۇرامىندا (كەلىسىم بويىنشا) جەرگىلىكتى اتقارۋشى ورگان وكىلدەرى, ءبىلىم بەرۋ مەكەمەلەرىنىڭ, جوعارى وقۋ ورىندارىنىڭ, عىلىمي ۇيىمداردىڭ بىلىكتى قىزمەتكەرلەرى, باق وكىلدەرى بار كوميسسيا قۇرادى.
رەسپۋبليكالىق كوميسسيا قۇرامىن قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى بەكىتەدى.
وليمپيادانىڭ قورىتىندىسىن شىعارۋ
قورىتىندى شىعارۋ كەزىندە:
1. تىلدەردى مەڭگەرۋ دەڭگەيى.
2. جازۋ ساۋاتتىلىعى مەن دۇرىس دىبىستالۋى.
3. جاۋاپتىڭ ورالىمدىلىعى مەن ساپاسى.
4. جاۋاپتىڭ مازمۇندىلىعى مەن ەرەكشەلىگى ەسكەرىلەدى .
اقپاراتتىق قولداۋ
وليمپيادانىڭ جۇرگىزىلۋ بارىسى تەلەارنالار, راديو, ينتەرنەت, مەرزىمدى باسىلىمدار ارقىلى كەڭىنەن جاريالانۋ كەرەك.
وليمپيادا جەڭىمپازدارى ديپلومدارمەن, العىس حاتتارمەن جانە باسقا دا سىيلىقتارمەن ماراپاتتالادى.
مەكەن-جايىمىز: استانا قالاسى, ەسىلدىڭ سول جاعالاۋى, “مينيسترلىكتەر ءۇيى” عيماراتى, 15-كىرەبەرىس, قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى.
بايلانىس تەلەفوندارى: 8(7172) 74-04-56, 74-05-08, 74-05-06 (تەل/فاكس).
ەسكەرتۋ: بۇرىنعى بايقاۋلاردىڭ جۇلدەگەرلەرى بيىل وتكىزىلەتىن رەسپۋبليكالىق بايقاۋلارعا جىبەرىلمەيتىن بولادى.
ورىس جاستارى اراسىنداعى قازاق ءتىلى بىلگىرلەرىنىڭ
ء“تىل – حالىق جانىن تانۋدىڭ كىلتى” رەسپۋبليكالىق بايقاۋىنىڭ ەرەجەسى
“قازاقستان رەسپۋبليكاسى مادەنيەت جانە اقپارات مينيسترلىگى مەن قازاقستاننىڭ ورىس قاۋىمى اراسىنداعى ءوزارا تۇسىنىستىك پەن ارىپتەستىك تۋرالى” مەموراندۋمعا سايكەس قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى جانە قازاقستاننىڭ ورىس قاۋىمى قازاق ءتىلىن مەڭگەرگەن جاستارعا قولداۋ كورسەتۋ, ءتىل مادەنيەتىنىڭ دەڭگەيىن كوتەرۋ ماقساتىندا ورىس جاستارى اراسىندا قازاق ءتىلى بىلگىرلەرىنىڭ ء“تىل – حالىق جانىن تانۋدىڭ كىلتى” اتتى رەسپۋبليكالىق بايقاۋىن جاريالايدى.
بايقاۋعا 14-22 جاس ارالىعىنداعى جاستار قاتىسا الادى.
ء“تىل – حالىق جانىن تانۋدىڭ كىلتى” اتتى رەسپۋبليكالىق بايقاۋى ۇستىمىزدەگى جىلدىڭ قىركۇيەك - جەلتوقسان ايلارىندا ەكى كەزەڭ بويىنشا وتكىزىلەدى.
ءى كەزەڭ – ايماقتىق, ول 2010 جىلعى 06 قىركۇيەكتەن – 06 جەلتوقسان ارالىعىندا وبلىستار جانە استانا مەن الماتى قالالارى بويىنشا وتكىزىلەدى.
ءىى كەزەڭ – رەسپۋبليكالىق, ول 2010 جىلعى 14 جەلتوقساندا ءتىل كوميتەتى جانە قازاقستاننىڭ ورىس قاۋىمىنىڭ ۇيىمداستىرۋىمەن استانا قالاسىندا, رەسەي عىلىم جانە مادەنيەت ورتالىعىندا وتەدى.
بايقاۋدىڭ ءبىرىنشى كەزەڭىنىڭ ۇيىمداستىرۋشىسى جەرگىلىكتى باسقارۋ ورگاندارى مەن قازاقستاننىڭ ورىس قاۋىمى فيليالى, ال اقتىق مارەنىڭ ۇيىمداستىرۋشىسى مادەنيەت جانە اقپارات مينيسترلىگىنىڭ ءتىل كوميتەتى مەن قازاقستاننىڭ ورىس قاۋىمى بولىپ تابىلادى.
بايقاۋدىڭ ءبىرىنشى كەزەڭىنىڭ شارتتارى.
ءبىرىنشى نوميناتسيا – قاتىسۋشىلار ساۋالناما تولتىرىپ, لەكسيكو-گرامماتيكالىق تەست تاپسىرمالارىن ورىندايدى. ورىنداۋ ۋاقىتى – 1 ساعات.
ەكىنشى نوميناتسيا – جازباشا جانە اۋىزشا تاپسىرمالاردان تۇرادى (بيلەتتىك جۇيە).
ا) اۋىزشا تاپسىرما: ۇمىتكەرلەر جۇپ-جۇبىمەن بەرىلگەن تاقىرىپ بويىنشا ديالوگ قۇرادى;
ب) جەكە جازباشا تاپسىرمانى ورىنداۋ.
ءۇشىنشى نوميناتسيا (بيلەتتىك جۇيە) – قازاق ادەبيەتى كلاسسيكتەرىنىڭ ءومىرباياندارىن قىسقاشا بايانداۋ جانە پروزالىق نەمەسە پوەزيالىق شىعارمالارىنان ءۇزىندى وقۋ (3-5 مينوتتەن كەم بولماۋى ءتيىس).
بايقاۋدىڭ ەكىنشى كەزەڭىنىڭ شارتتارى.
بايقاۋ كەلەسى نوميناتسيالار بويىنشا وتكىزىلەدى:
- “تاۋەلسىزدىك تۇعىرى – مەملەكەتتىك ءتىل” اتتى اۋىزشا تانىستىرىلىم (ەلەكتروندى, كورنەكى جانە باسقا نۇسقالاردى پايدالانۋعا بولادى, 3-5 مين.);
- ء“تىل – مادەنيەت مۇرالارىنا جول” ادەبي-مادەنيەتتانۋشىلىق تەست. تاپسىرمانى ورىنداۋعا 30 ءمينوت بەرىلەدى
- قازاق ادەبيەتى كلاسسيكتەرىنىڭ جانە قازىرگى زامانعى جازۋشىلاردىڭ تۋىندىلارىنان ۇزىندىلەردى مازمۇنداۋ, ءماتىندى لينگۆيستيكالىق-ستيليستيكالىق تالداۋ (بيلەتتىك جۇيە);
- شىعارماشىلىق تاپسىرما “شابىت جۇلدىزى”: حالىق اسپاپتارىندا ويناۋ, ۇلتتىق ءان, بي, كوركەم ءسوز وقۋ ت.ب. ارقىلى قازاقتىڭ ۇلتتىق مادەنيەتىن كورسەتۋ ء(ۇي تاپسىرماسى). بەرىلەتىن ۋاقىت 5-7 ءمينوت.
رەسپۋبليكالىق بايقاۋدىڭ جەڭىمپازدارى اقشالاي جانە لاۋرەات ديپلومدارىمەن ماراپاتتالادى.
بايقاۋعا قازاق مەكتەپتەرىندە جانە جوعارى وقۋ ورنىندا “قازاق فيلولوگياسى” ماماندىعىندا ءبىلىم الۋشىلار, سونىمەن قاتار الدىڭعى بايقاۋلاردىڭ جەڭىمپازدارى مەن جۇلدەگەرلەرى قاتىستىرىلمايدى.
بايلانىس تەلەفوندارى:
استانا ق. 8 (717/2) 74-05-01
ۇيىمداستىرۋ كوميتەتى
ء“تىل – بارلىق ءبىلىمنىڭ كىلتى” اتتى ورىس ءتىلى بىلگىرلەرىنىڭ بايقاۋى تۋرالى ەرەجە
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى جانە قازاقستاننىڭ ورىس قاۋىمى جاستاردى تولەرانتتىلىققا تاربيەلەۋ, تىلدەردى مەڭگەرۋگە دەگەن شىعارماشىلىق قابىلەتتەرىن جانداندىرۋ, سويلەۋ مادەنيەتىنىڭ دەڭگەيىن ارتتىرۋ ماقساتىندا قازاق تىلىندە وقيتىن جاستار اراسىندا ورىس ءتىلى بىلگىرلەرىنىڭ رەسپۋبليكالىق بايقاۋىن جاريالايدى.
بايقاۋعا قاتىسۋعا 14-22 جاس ارالىعىنداعى جاستار شاقىرىلادى.
ورىس ءتىلى بىلگىرلەرىنىڭ رەسپۋبليكالىق بايقاۋى 2010 جىلعى اقپان-مامىر ايلارىندا ەكى كەزەڭ بويىنشا وتكىزىلەدى.
ءى كەزەڭ – ايماقتىق, ول 2010 جىلعى 10 اقپان-4 مامىر ارالىعىندا وبلىستار جانە استانا مەن الماتى قالالارى بويىنشا وتكىزىلەدى.
ءىى كەزەڭ – رەسپۋبليكالىق, ول 2010 جىلعى مامىردا ءتىل كوميتەتى جانە قازاقستاننىڭ ورىس قاۋىمىنىڭ ۇيىمداستىرۋىمەن استانا قالاسىندا, رەسەي عىلىم جانە مادەنيەت ورتالىعىندا وتەدى.
ايماقتىق بايقاۋ كوميسسيالارى رەسپۋبليكالىق بايقاۋعا قاتىسۋشى ۇمىتكەردى انىقتاپ, ونى رەسپۋبليكالىق بايقاۋعا قاتىستىرۋ تۋرالى ءوتىنىش-حاتپەن بىرگە, جيناعان ۇپايلارىنىڭ قورىتىندىلارى تۋرالى حاتتامانى جانە لەكسيكالىق-گرامماتيكالىق تەستىنىڭ ناتيجەسىن جولدايدى.
بايقاۋدىڭ ءبىرىنشى كەزەڭىنىڭ شارتتارى:
ءبىرىنشى نوميناتسيا: لەكسيكالىق-گرامماتيكالىق تەست.
تەست تاپسىرماسىن ورىنداۋ ۋاقىتى – 1 ساعات.
ەكىنشى نوميناتسيا: جازباشا جانە اۋىزشا بولىمدەردەن تۇرادى:
ا) جازباشا ءبولىم: جەكە جازباشا تاپسىرمانى ورىنداۋ: (ۇسىنىلعان تاقىرىپقا شىعارما جازۋ);
ءا) اۋىزشا ءبولىم: قاتىسۋشىلار ۇسىنىلعان تاقىرىپقا جۇپ بويىنشا ديالوگ قۇرايدى: (بيلەتتىك جۇيە);
ءۇشىنشى نوميناتسيا: كەز كەلگەن جانرداعى ءماتىندى مانەرلەپ وقۋ ء(ۇي تاپسىرماسى).
بايقاۋدىڭ ەكىنشى كەزەڭىنىڭ شارتتارى:
- “تىلدەر تۋىستىعى–مادەني تۋىستىق” اتتى اۋىزشا تانىستىرىلىم (ەلەكتروندى, كورنەكى جانە باسقا نۇسقالارى, 3-5 مين.);
- ء“تىل – عاسىرلار مادەنيەتىنىڭ قاينار كوزى” ادەبي-مادەنيەتتانۋشىلىق تەست. تاپسىرمانى ورىنداۋ ۋاقىتى – 30 ءمينوت;
- ورىس جانە ورىس ءتىلدى قازاقستاندىق ادەبيەت كلاسسيكتەرىنىڭ جانە قازىرگى زامانعى جازۋشىلارىنىڭ تۋىندىلارىنان ۇزىندىلەردى مازمۇنداۋ, ءماتىندى لينگۆيستيكالىق-ستيليستيكالىق تالداۋ (بيلەتتىك جۇيە);
- شىعارماشىلىق تاپسىرما “شابىت جۇلدىزى”: حالىق اسپاپتارىندا ويناۋ, ۇلتتىق ءان, بي, كوركەم ءسوز وقۋ جانە ت.ب. ورىنداۋ ء(ۇي تاپسىرماسى).
تاپسىرمانى ورىنداۋ ۋاقىتى – 5-7 مين.
رەسپۋبليكالىق كەزەڭنىڭ جەڭىمپازدارى باعالى سىيلىقتارمەن جانە لاۋرەات ديپلومدارىمەن ماراپاتتالادى.
بايقاۋعا ورىس تىلىندە وقىتاتىن وقۋ ورىندارىندا جانە “ورىس فيلولوگياسى” ماماندىعى بويىنشا جوعارى وقۋ ورىندارىندا ءبىلىم الاتىن, سونداي-اق ورىس تىلىنە ارنالعان الدىڭعى بايقاۋلاردىڭ جەڭىمپازدارى مەن جۇلدەگەرلەرى قاتىستىرىلمايدى.
بايلانىس تەلەفوندارى: 8(717/2) 740501 استانا قالاسى.
ۇيىمداستىرۋ كوميتەتى