ءساۋىر ايىنىڭ سوڭىندا الماتىدا فۋتزالدان ۋەفا چەمپيوندار ليگاسىنىڭ «تورتتىك فينالى» وتەتىنى بەلگىلى. سول جارىستىڭ جارتىلاي فينالىندا «قايرات» يسپانيانىڭ «بارسەلونا» كلۋبىمەن كۇش سىناسادى.
«بارسەلونا» - قارت قۇرلىقتاعى ەڭ بەلدى كوماندالاردىڭ ءبىرى. ىرگەتاسى 1986 جىلى قالانعان كلۋب يسپانيا چەمپيوناتىندا ءۇش رەت (2011, 2012, 2013) توپ جارىپ, ەل كۋبوگىن ءتورت مارتە (1989, 2011, 2012, 2013) ولجالادى. ءوز ەلىندەگى كورول كۋبوگىندا ءتورت رەت (2011, 2012, 2013, 2014) جەڭىمپاز اتاندى. ۋەفا كۋبوگى جولىنداعى جارىستا ەكى مارتە (2012, 2014) دارا شىقتى.
ال «قايراتتىڭ» ءجۇرىپ وتكەن جولى وزدەرىڭىزگە ءمالىم. الماتىلىق ۇجىم قازاقستان چەمپيوناتىندا 16 مارتە توپ جارىپ, 14 رەت ەل كۋبوگىن جانە 4 رەت سۋپەركۋبوكتى يەلەندى. 2013 جانە 2015 جىلدارى جەرلەستەرىمىز ۋەفا كۋبوگىندا باس جۇلدەنى ەنشىلەسە, 2014 جىلى الەم سۋپەركۋبوگىن ولجالادى.
ەكىنشى جارتىلاي فينالدا پورتۋگاليانىڭ «سپورتينگى» مەن يسپانيانىڭ «ينتەر-موۆيستار» كلۋبتارى كۇش سىناسادى. بۇل باسەكەلەر 26 ساۋىردە وتەدى. ال ۋەفا چەمپيوندار ليگاسىنىڭ جەڭىمپازى 28 ساۋىردە انىقتالادى.
عالىم سۇلەيمەن,
«Egemen Qazaqstan»