وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق اۋىل شارۋاشىلىعى باسقارماسى باسشىسىنىڭ ورىنباسارى سەيىلبەك نۇرىمبەتوۆ ەكسپورتتىڭ كولەمى ۇلعايعانىن ايتتى.
ماسەلەن, وتكەن جىلدىڭ توعىز ايىنىڭ وزىندە 23,8 ملن. دوللارىن قۇرايتىن 66,6 مىڭ توننا اۋىل شارۋاشىلىعى ونىمدەرى ەكسپورتتالىپ, 2017 جىلدىڭ سايكەستى كەزەڭىمەن سالىستىرعاندا 27,2 پايىزعا ارتقان ەكەن.
- وبلىستان وزبەكستان رەسپۋبليكاسىنا 285 باس تۇيە, 100 باس ەت باعىتىنداعى مىق مالدارى, بىرىككەن اراب امىرلىگىنە 72 باس تىرىلەي تۇيە ەكسپورتتالدى. سونداي-اق, تۇركىستان وبلىسى جانە جامبىل وبلىسىنىڭ ەت كومبيناتتارى ارقىلى يران يسلام رەسپۋبليكاسىنا جانە رەسەي فەدەراتسياسىنا بارلىعى 8191 باس قوي ەكسپورتتالدى, - دەدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى.
وبلىستا بيىلعى جىلى ەكسپورت كولەمى بىلتىرعىدان اناعۇرلىم ارتادى دەگەن بولجام بار.
باقتيار تايجان,
«Egemen Qazaqstan»
قىزىلوردا وبلىسى