الماتى وبلىسىندا «7-20-25» باعدارلاماسىن جۇزەگە اسىرۋ باعىتىندا 3,8 ملن شارشى مەتر بولاتىن باسپانا سالىنادى. بۇل ۇزىن-سانى 103,7 مىڭ پاتەردەن تۇراتىن 2509 كوپ قاباتتى ءۇي بولماق. قازىر قۇرىلىستىڭ ينجەنەرلىك-كوممۋنيكاتسيالىق ينفراقۇرىلىمىن جاساۋعا 2,1 ملرد تەڭگە قارجى بولىنگەن.
وبلىستىق قۇرىلىس باسقارماسىنىڭ مالىمەتىنشە, ايماقتا تۇرعىن ۇيگە دەگەن سۇرانىس جوعارى. اسىرەسە, ءوڭىردىڭ الماتى قالاسى ماڭىنداعى اۋداندارىندا بۇل سۇرانىس ەكى ەسەگە دەيىن وسكەن. جالپى, «7-20-25» باعدارلاماسى اياسىندا تالعار, ىلە, قاراساي, پانفيلوۆ اۋداندارى مەن قاپشاعاي, تالدىقورعان قالالارىن قوسا العاندا جاڭادان 26 تۇرعىن اۋدان بوي كوتەرەدى دەپ جوبالانىپ وتىر.
ال بۇگىندە وسى باعدارلاماعا قاتىسۋعا ىنتا بىلدىرگەن ازاماتتاردان جالپى قۇنى 2 ملرد تەڭگەنى قۇرايتىن 197 ءوتىنىش قابىلدانىپ, ونىڭ 113 ءوتىنىمى ەكىنشى دەڭگەيلى بانكتەر تاراپىنان ماقۇلداندى.
قالماحانبەت مۇقامەتقالي,
«Egemen Qazaqstan»
الماتى وبلىسى