«قازاقتەلەكوم» اق-ى جەرگىلىكتى فيليالىنىڭ كوممەرتسيالىق ديرەكتورى دامير ءابدىراحمانوۆ باق وكىلدەرىنە «تسيفرلىق قازاقستان» باعدارلاماسى اياسىندا اۋىل تۇرعىندارىن جوعارى جىلدامدىقتى ينتەرنەتپەن قامتاماسىز ەتۋدىڭ جولدارىن بايانداپ بەردى.
ونىڭ ايتۋىنشا بۇل شارالار «قازاقستاننىڭ اۋىلدىق ەلدى مەكەندەرىن وپتيكالىق-تالشىقتى تەحنولوگيا ارقىلى كەڭ جولاقتى ينتەرنەتپەن قامتاماسىز ەتۋ» جوباسى اياسىندا جۇزەگە اسىرىلاتىن بولادى.
بۇگىنگى تاڭدا وڭىردگى ەلدى مەكەندەردىڭ 82 پايىزى كەڭ جولاقتى ينتەرنەتپەن قامتاماسىز ەتىلگەن. 666 اۋىلدىڭ 147-ءسى “ADSL” مودەم ارقىلى ينتەرنەتكە قوسىلسا, 116 اۋىلدا تالشىقتى-وپتيكالىق بايلانىس جەلىسى جۇمىس ىستەيدى. 400 اۋىلدا سىمسىز بايلانىس تەحنولوگياسى قولدانىلادى.
ەندى جاڭا باعدارلامانىڭ ارقاسىندا شالعايداعى اۋىل تۇرعىندارى دا ساپالى ءارى جىلدامدىعى جوعارى ينتەرنەتتىڭ يگىلىگىن كورەتىن بولادى. «تسيفرلىق قازاقستان» باعدارلاماسىن وڭىرىمىزدە جۇزەگە اسىرۋ اياسىندا ەكى مىڭ شاقىرىم تالشىقتى-وپتيكالىق بايلانىس جەلىسىن تارتۋ جوسپارلانعان. ناتيجەسىندە 61 اۋىلدىق وكرۋگتە ورنالاسقان 272 مەملەكەتتىك مەكەمە كەڭ جولاقتى ينتەرنەتكە قوسىلادى. بۇل جوبا ەلەكتروندى ساۋدا-ساتتىقتى جانداندىرادى. ەلەكتروندى ۇكىمەت قىزمەتتەرىنە, ءبىلىم بەرۋ مەن دەنساۋلىق ساقتاۋ سالالارىنا ينتەراكتيۆتى قۇرالدار ەنگىزىلەدى.
«56 مەملەكەتتىك مەكەمەگە تالشىقتى-وپتيكالىق بايلانىس جەلىسى قوسىلدى. وبلىس مەكتەپتەرىندە كەڭ جولاقتى ينتەرنەتتىڭ 136 قوسۋ نۇكتەسى ورناتىلدى. ياعني بارلىق مەكتەپتەردىڭ 95 پروتسەنتى ينتەرنەتپەن قامتىلعان. 4 مبيت/سەك. جىلدامدىقتى عالامتورى بار ءبىلىم وردالارىنىڭ سانى 86 پروتسەنتكە جەتتى», دەيدى د. ءابدىراحمانوۆ.
«بۇلتتى بەينەباقىلاۋ» جۇيەسى كوپقاباتتى ۇيلەرگە ورناتىلىپ, زاماناۋي قۇرىلعىنىڭ نەمەسە دەربەس كومپيۋتەردىڭ كومەگىمەن تۇرعىندار ءوز ءۇيىنىڭ كىرەبەرىسىندەگى وقيعالاردى باقىلاۋىنا مۇمكىندىك الادى. كامەرالار تۇنگى ۋاقىتتا دا ساپالى تۇسىرە الادى. بۇگىنگى كۇنى پەتروپاۆل قالاسىندا 788 ءۇي اتالمىش قىزمەتكە قوسىلعان. زاڭدى تۇلعالارعا “بيزنەسكە قاۋىپسىز ونلاين بەينەباقىلاۋ” ءونىمى ۇسىنىلىپ وتىر. بۇل قىزمەت ارقىلى كاسىپكەرلەر بيزنەس نىساندارىنا قاشىقتىقتان ونلاين باقىلاۋ جۇرگىزە الادى.
بيىل 41 مەكتەپ جوعارى جىلدامدىقتى ينتەرنەتتىڭ يگىلىگىن كورە الادى. تەلەمەديتسينا قىزمەتىن ەنگىزۋ جانە تۇرعىنداردى مەديتسينالىق اقپاراتتىق جۇيەلەر قىزمەتىمەن قامتۋ ماقساتىندا جىل سوڭىنا دەيىن بارلىق اۋداندىق ورتالىق اۋرۋحانالار عالامتورعا قوسىلادى. ءسويتىپ ونلاين ساۋدا, ءموبيلدى بانكينگ, 3D-پرينتينگ, دەنساۋلىق ساقتاۋ, ءبىلىم بەرۋ سياقتى باسقا دا ماڭىزدى سالالار دامۋدىڭ جاڭا كەزەڭىنە قادام باسادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى