سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وبلىستىق دەپارتامەنتى وتكەن جىلى 75 زاڭ بۇزۋشىلىق فاكتىسىن اشكەرەلەگەن.
بۇل 2017 جىلعى كورسەتكىشكە قاراعاندا ەكى ەسە كوپ. ۆەدومستۆو باسشىسى اسحات جۇماعالي مامليۋت, تايىنشا اۋداندارىنىڭ بۇرىنعى اكىمدەرىنىڭ, سونداي-اق, پەتروپاۆل قالاسى مەن وبلىس اكىمدىگىنىڭ بىرقاتار مەملەكەتتىك قىزمەتشىلەرىنىڭ پارا الۋ ۇستىندە اشكەرەلەنگەنىن, قارجىلىق الاياقتىق ارەكەتتەرى, سىبايلاس جەمقورلىق بيلىك ورگاندارىندا ءجيى كەزدەسەتىنىن اتاپ كورسەتتى.
«بىلتىر 63 ءىس سوتقا جىبەرىلدى. ولاردىڭ اراسىندا مەملەكەتتiك ساۋلەت-قۇرىلىس باقىلاۋ جانە ليتسەنزيالاۋ باسقارماسىنىڭ بۇرىنعى باسشىسى مۇرات ابىلاەۆقا قاتىستى ءىس بار. مەملەكەتتىك قىزمەت كورسەتۋ سالاسىندا قىلمىستىق ارەكەتتەرگە بارعان شەنەۋنىك قىزمەت بابىن اسىرا پايدالانىپ, مىڭداعان دوللاردى قالتاسىنا باسقان. ونىڭ كومەگىنە, ءتىپتى, استانا, اقتاۋ, شىمكەنت قالالارىنىڭ ازاماتتارى دا جۇگىنگەن», دەيدى سىبايلاس جەمقورلىققا قارسى ءىس-قيمىل ۇلتتىق بيۋروسى وبلىستىق دەپارتامەنتىنىڭ باسشىسى اسحات جۇماعالي.
قارا باسىنىڭ قامىن ويلاپ, ابىرويىنا كىر كەلتىرگەن مۇرات ابىلاەۆ سەگىز جىلعا باس بوستاندىعىنان جانە مەملەكەتتىك قىزمەتتە جۇمىس ىستەۋ قۇقىعىنان ايىرىلعان.
قىلمىستىق جاۋاپكەرشىلىككە تارتىلعان 35 لاۋازىمدى تۇلعانىڭ 14-ءى –اكىمدىك قىزمەتشىلەرى. بىرنەشە جىل قاتارىنان اكىمدىكتەگىلەر سىبايلاس جەمقورلىققا ەڭ بەيىم مەملەكەتتىك قىزمەتشىلەر بولىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى