وتكەن جىلى الماتى وبلىسىندا كاسىپكەردىڭ ىسىنە كەدەرگى كەلتىرىپ, زاڭ قاعيداسىن بۇزعان 3 لاۋازىمدى تۇلعا جاۋاپقا تارتىلعان. بۇل تۋرالى الماتى وبلىستىق كاسىپكەرلەر پالاتاسى جانىنداعى قۇقىق قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ جىل قورتىندىسىندا ايتىلدى.
جالپى, 2018 جىلى ءوڭىر كاسىپكەرلەرى تاراپىنان كاسىپكەرلەر پالاتاسىنا 25 شاعىم ءتۇسىپ, ونىڭ 70 پروتسەنتى شاعىن جانە ورتا بيزنەستىڭ پايداسىنا شەشىلگەن.
- كاسىپكەرلەردەن تۇسەتىن وتىنىشتەردىڭ باسىم بولىگى جەر قاتىناستارى مەن مەملەكەتتىك ورگاندار ارەكەتىنە شاعىم جاساۋعا قاتىستى بولىپ وتىر. دەمەك, بۇل باعىتتاعى جۇمىسىمىزدى ءالى دە شيراتا بەرەمىز. بيزنەسكە اتقارۋشى بيلىك تاراپىنان قولداۋ كوبەيگەن سايىن, جەكە باس مۇددەسىن كوزدەگەن كەيبىر شەندىلەردىڭ تەرىس ارەكەتىن دە جاسىرماي ايتۋىمىز كەرەك. وتكەن جىلى كەڭەستىڭ ارلاسۋىمەن وسىنداي 3 شەنەۋنىك جازاسىن الدى, - دەيدى كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ توراعاسى بانيامين فايزۋلين.
قالماحانبەت مۇقامەتقالي,
«Egemen Qazaqstan»
الماتى وبلىسى