1-2 اقپان كۇندەرى استاناداعى ۇلتتىق تەننيس ورتالىعىندا دەۆيس كۋبوگىنە ىرىكتەۋ اياسىنداعى كەزدەسۋ وتەدى. قازاقستان قۇراما كومانداسىنا بۇل جولى پورتۋگاليالىق تەننيسشىلەر قارسىلاس اتانباق دەپ جازادى Olympic.kz.
اتالعان ماتچ جەڭىمپازى دەۆيس كۋبوگىنىڭ فينالدىق كەزەڭىنە جولداما الادى. اقتىق سىن 18-24 قاراشا ارالىعىندا مادريدتە وتەتىنىن ەسكە سالامىز.
تەننيسشىلەر كەزدەسۋى 1 اقپان كۇنى 14:00-دە, 2 اقپان كۇنى 12:00-دە باستالادى.
پورتۋگاليا قۇراماسى ىرىكتەۋ كەزەڭىندە وڭتۇستىك افريكا رەسپۋبليكاسىنان 4:0 ەسەبىمەن جەڭسە, قازاقستان تەننيسشىلەرى شۆەيتساريادان 4:1 ەسەبىمەن باسىم ءتۇستى.
ايتا كەتەلىك, ءبىزدىڭ كوماندا دەۆيس كۋبوگىنىڭ ¼ فينالىنا بەس رەت جولداما العان بولاتىن.
دەۆيس كۋبوگى – تەننيستەن ەرلەر اراسىندا وتەتىن ءىرى حالىقارالىق كوماندالىق تۋرنير. 1900 جىلدان بەرى ۇيىمداستىرىلاتىن جارىس 1979 جىلدان باستاپ حالىقارالىق تەننيس فەدەراتسياسىنىڭ قولداۋىمەن وتەدى. كۋبوكتىڭ قازىرگى يەگەرى – حورۆاتيا قۇراماسى.
دەۆيس كۋبوگىنىڭ فينالدىق كەزەڭىندە 12 كوماندا باق سىنايدى.