مادريدتەگى تاكسي جۇرگىزۋشىلەرى مەرزىمسىز ەرەۋىلگە شىقتى.
ولار Uber جانە Cabify قىزمەتىن رەتتەۋدى تالاپ ەتەدى. سەكتور قىزمەتكەرلەرى بۇل كومپانيالاردى جوسىقسىز باسەكەدە ايىپتاپ, ولاردىڭ جۇرگىزۋشىلەرى پايدالاناتىن ارنايى ليتسەنزيالار بەرۋگە شەكتەۋدى تالاپ ەتەدى.
«ولار (Uber جانە Cabify جۇرگىزۋشىلەرى) ءبىزدىڭ كوشەدە كليەنتتەردى الىپ, جۇمىسىمىزدى تارتىپ الۋى اقىلعا قونبايدى. مىسالى مەن تاكسيدە كوفە ساتپايمىن عوي», دەيدى تاكسي جۇرگىزۋشىسى حوسە كارلوس.
حۋان حەرەرا, تاكسي جۇرگىزۋشىسى: ء«بىزدىڭ جەكەمەنشىك تاكسي جۇرگىزۋشىلەرىنە قارسى ەشتەڭەمىز جوق. بار بولعانى ءبارىنىڭ زاڭمەن قاداعالانىپ, جۇيەلەنگەنىن قالايمىز»
بارسەلوناداعى تاكسيستەر ەرەۋىلى 18 قاڭتاردا باستالعان. دۇيسەنبى كۇنى نارازىلىق اكتسياسى كەزىندە شەرۋشىلەر ايماقتىق پارلامەنت عيماراتىنا جاقىنداپ, پوليتسيا كوردونىن جارىپ جىبەرمەك بولعان. كوتەرىلىس كەزىندە قۇقىق قورعاۋ ورگاندارىنىڭ بىرنەشە قىزمەتكەرلەرى زارداپ شەكتى.