استانا پوليتسياسى «ميگرانت» جەدەل الدىن الۋ ءىس شاراسىن وتكىزدى, دەپ حابارلايدى ۆەدومستۆونىڭ ءباسپاسوز قىزمەتى.
ءىس-شارانىڭ ماقساتى - كوشى-قون زاڭناماسىن بۇزۋ فاكتىلەرىن انىقتاپ, جولىن كەسۋ, زاڭسىز كوشى-قونعا توسقاۋىل قويۋ, سونداي-اق شەتەلدىك ازاماتتار مەن ازاماتتىعى جوق تۇلعالاردىڭ تاراپىنان جاسالاتىن قىلمىستاردى بولدىرماۋ. پوليتسەيلەر ءۇش كۇننىڭ ىشىندە كوشى-قون زاڭناماسىن بۇزۋ بويىنشا 457 فاكتىنى انىقتادى.
شەتەلدىك ازاماتتاردىڭ قر اۋماعىندا ءجۇرىپ-تۇرۋ قاعيداسىن بۇزۋ فاكتىسى بويىنشا شەتەلدىك ازاماتتارعا 377 اكىمشىلىك حاتتاما تولتىرىلعان. كوشى-قون سالاسىنداعى زاڭنامانى بۇزعانى ءۇشىن شەتەلدىك ازاماتتار مەن ازاماتتىعى جوق تۇلعالاردى قابىلداعان قازاقستاننىڭ 20 ازاماتى جاۋاپكەرشىلىككە تارتىلسا, شەتەلدىكتەردى ءتيىستى قۇجاتسىز جۇمىسقا تارتقانى ءۇشىن 6 جۇمىس بەرۋشىگە قاتىستى اكىمشىلىك ءوندىرىس قوزعالدى.
سونىمەن قاتار, مامانداندىرىلعان اكىمشىلىك سوتىنىڭ شەشىمىمەن 33 شەتەلدىك ازامات ەلدەن شىعارىلدى, 117 شەتەلدىك ازاماتقا قاتىستى ۋاقىتشا ءجۇرىپ-تۇرۋ مەرزىمىن قىسقارتۋ جونىندە شەشىم قابىلداندى. ءىس-شارا كورسەتىپ بەرگەندەي, شەتەلدىكتەر تاراپىنان جاسالعان نەگىزگى زاڭبۇزۋشىلىقتار - ەلگە كىرۋ, شىعۋ جانە قازاقستان رەسپۋبليكاسىندا ءجۇرىپ-تۇرۋ ءتارتىبىن بۇزۋ.