الماتىنىڭ حالىقارالىق اۋەجايىنا الەمنىڭ ءىرى اۋەكومپانيالارىنىڭ ۇشتىگىنە كىرەتىن Qatar Airways Cargo اۋەكومپانياسىنىڭ العاشقى جۇك رەيسى كەلدى. بوينيگ 777-200 اۋە كەمەسىمەن ءدارى-دارمەك, بولشەكتەر مەن ەلەكترونيكالار جەتكىزىلدى. بۇل تۋرالى الماتى حالىقارالىق اۋەجايىنىڭ ءباسپاسوز قىزمەتى حابارلادى.
دوحا-الماتى رەيسى العاشقى كەزەڭدە اپتاسىنا ەكى رەت قاتىنايتىن بولادى.
«دوحا مەن الماتىنى بايلانىستىراتىن جاڭا باعىت حالىقارالىق جۇك تاسىمالى تاجىريبەسىن يگەرۋگە مۇمكىندىك بەرەدى. سونىمەن قاتار, اۋەجايدىڭ ايماقتاعى لوگيستيكالىق حابقا اينالۋىنا جاعداي تۋعىزادى, ويتكەنى اۋەتاسىمالداۋشىلار دوحاعا تەك قازاقستاندىق جۇكتەردى عانا ەمەس, كورشى ەلدەردىڭ دە جۇگىن تاسىمالدايتىن بولادى», -دەلىنگەن حابارلامادا.
جاڭا رەيس سونداي-اق كاتار مەن قازاقستان اراسىنداعى ساۋدا-ەكونوميكالىق ىنتىماقتاستىقتى دامىتۋعا دا ءوس سەپتىگىن تيگىزبەك.
«دۇنيە ءجۇزى بويىنشا ەكونوميكاسى جاقسى دامىعان ەلدەردىڭ قاتارىنا جاتاتىن كاتار ەلىمىزدەن ازىق-ت ۇلىك يمپورتتاۋعا قىزىعۋشىلىق تانىتىپ وتىر. اسىرەسە ۇن, استىق, ەت جانە تاعى باسقا ازىقتاردى. ەكى ەل اراسىنداعى تۇراقتى اۋە قاتىناسى ماسەلەسى وڭىنان شەشىلەتىن بولسا قازاقستان مەن كاتاردىڭ ەكونوميكالىق بايلانىسى جاڭا دەڭگەيگە كوتەرىلەرى ەدى», -دەلىنگەن حابارلامادا.
بۇل جونىندەگى مەموراندۋمعا 29 قاڭتار كۇنى استانادا جوسپارلانعان كەزدەسۋدە قول قويىلادى دەپ كۇتىلۋدە. وندا قر ازاماتتىق اۆياتسيا كوميتەتىنىڭ توراعاسى تالعات لاستاەۆ پەن كاتاردىڭ ازاماتتىق اۆياتسيا كوميتەتىنىڭ پرەزيدەنتى ابدۋللى ناسسەر تۋركي ءال-سۋبايا كەزدەسپەك.