قۇرمانعازى اتىنداعى مادەنيەت ۇيىندە وتكەن كينوفيلم كورسەتىلىمىن 200-گە جۋىق كورەرمەن تاماشالادى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
كورەرمەندەر ءفيلمدى كورگەننەن كەيىن اسەرلەرىمەن ءبولىستى.
- سول كەزدەگى تاريحي جاعداي, ەلباسىنىڭ استانا اۋىسقان كەزدەگى باستى باعدارى قانداي بولدى, قانداي قيىندىقتار كەزدەستى, سونىڭ ءبارىن فيلمنەن كوردىك. استانا - XX, XXI عاسىرلارداعى سالىنعان الەمدەگى بىرەگەي استانا, ادەمى دە جايلى قالا. فيلم ارقىلى ەلوردانىڭ قالاي سالىنىپ, قالىپتاسقانىنا كۋا بولدىق, - دەيدى اتىراۋ قالاسىنىڭ تۇرعىنى مايرا تاۋكەەۆا.
ءفيلمنىڭ العاشقى كورسەتىلىمىنە قاتىسقان اتىراۋ وبلىسىنىڭ اكىمى نۇرلان نوعاەۆ اسەرىمەن ءبولىستى.
- بۇل فيلمدە جاڭا استانا سالىنعان كەزدەگى بارلىق قيىنشىلىقتار, وسى جولداعى ەلباسىمىزدىڭ قول جەتكىزگەن تابىستارى جايلى ايتىلادى. مەن كينوفيلمنەن كەرەمەت اسەر الدىم, ونىڭ ءبارىن سوزبەن جەتكىزۋ مۇمكىن ەمەس. مەملەكەت باسشىسىنىڭ استانانى اۋىستىرۋ تۋرالى شەشىمى الىستى بولجاعان وتە اقىلدى قادام بولدى, بۇگىنگى استانا الەم استانالارى اراسىندا ەڭ ادەمى, قازىرگى زامانعى ەلوردا رەتىندە بەلگىلى. باس قالاداعى ساۋلەتتى عيماراتتاردى اتىراۋدا دا سالۋ جوسپاردا بار. بارشاڭىزعا ۋاقىت تاۋىپ وسى كورسەتىلىمگە كەلگەندەرىڭىز ءۇشىن العىس ايتامىن, فيلم وتە قىزىقتى بولدى, -دەدى وبلىس اكىمى نۇرلان نوعاەۆ.