بۇگىن ەلورداداعى «MEGA Silk Way» ويىن-ساۋىق ورتالىعىندا «كاسپي قۇبىر كونسورتسيۋمى» جانە «National Geographic Qazaqstan» جۋرنالىنىڭ بىرلەسە ۇيىمداستىرۋىمەن « ۇلى دالا كيەسى» اتتى فوتوكورمە اشىلدى.
شارانىڭ اشىلۋ راسىمىنە قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى ۆلاديمير بوجكو, سەنات دەپۋتاتى, الەۋمەتتىك-مادەني دامۋ جانە عىلىم كوميتەتىنىڭ ءتورايىمى بىرعانىم ءايتىموۆا, ءماجىلىس دەپۋتاتى زاعيپا باليەۆا جانە «كاسپي قۇبىر كونسورتسيۋمى» اق باس ديرەكتورىنىڭ ورىنباسارى قايىرگەلدى قابىلدين قاتىستى.
كورمەنىڭ نەگىزگى ماقساتى – كوپشىلىك اراسىندا ەكولوگيالىق مادەنيەتتى قالىپتاستىرۋ, دالانىڭ اڭ-قۇستارى, ونىڭ ىشىندە قازاققا ەتەنە جاقىن كيىكتەر تۋرالى تۇرعىنداردىڭ تانىم كوكجيەگىن كەڭەيتۋگە جانە قورشاعان ورتانى قورعاۋ پروبلەمالارىنا قوعامنىڭ نازارىن اۋدارتۋ.
قازاققا ەتەنە جاقىن وسى جانۋاردى قورعاۋ جانە ساقتاپ قالۋ ىسىندە «كاسپي قۇبىر كونسورتسيۋمى» (كقق) قوسقان ۇلەسى زور. بۇل كومپانيا بوكەندەردى عارىشتان باقىلاۋعا مۇمكىندىك بەرەتىن 30 دانا قارعىباۋ ساتىپ الۋعا 2016 جىلى 21 ميلليون تەڭگە بولسە, وتكەن جىلدىڭ وزىندە تەك زەرتتەۋ جۇمىستارىنا 27 ميلليون تەڭگە قاراستىرعان. ودان بولەك كقق قازاقستان ءوز تاۋەلسىزدىگىن العالى بەرى ەل اۋماعىندا قۇنى 8 ميلليارد تەڭگەگە جۇزدەن اسا الەۋمەتتىك جوبانى قارجىلاندىرعان.
تاس داۋىرىندە باتىس ەۋروپاعا دەيىن تىرشىلىك ەتكەن سول جانۋار وسى كۇنى موڭعوليا, قالماق دالاسى مەن قازاقستاندا عانا ساقتالىپ قالعان. ولاردىڭ 90 پايىزى قازاق جەرىندە مەكەندەيدى. كيىكتەردىڭ تاعى ءبىر ەرەكشەلىگى – ەشقاشان جەتىم قالعان لاقتارىن دالاعا تاستامايدى. ال كەز كەلگەن كيىك جولىنان ماڭىراپ شىققان قۇرالايدى كەزدەستىرە قالسا, جانىنا بارىپ ەمىزىپ, وزىمەن ەرتىپ كەتەدى.
شارا بارىسىندا كيىكتەر تۋرالى بەينەروليك پەن ءساتتى تۇسىرىلگەن فوتوسۋرەتتەر جيىنتىعى كورسەتىلىپ, كونتسەرتتىك باعدارلاما ۇيىمداستىرىلدى.