پلانەتامىزدا جانۋارلاردىڭ جاپپاي جويۋلۋىنىڭ التىنشى تولقىنى باستالدى جانە بۇعان سەبەپ: ادامداردىڭ ءىس-ارەكەتى. بۇل تۋرالى دۇنيەجۇزىلىك جابايى تابيعات قورىنىڭ لوندون زوولوگيالىق قوعامىمەن بىرلەسىپ ازىرلەگەن سوڭعى بايانداماسىندا ايتىلعان, دەپ حابارلايدى EURONEWS.
تابيعاتتى قورعاۋ قوعامىنىڭ وكىلى مارگارەت كيننەيرد: «جاعداي وتە اۋىر جانە اسا قورقىنىشتى. 1970 جىلى جەر بەتىندە جابايى جانۋارلاردىڭ 52 پايىزى مەرت بولعانىن ايتقانبىز. سودان بەرى ولاردىڭ سانى 60 پايىزعا ازايعان. ەگەر قازىر ارەكەت ەتۋدى باستاپ, بيوارتۇرلىلىكتىڭ تومەندەۋىنە كەدەرگى كەلتىرمەسەك, ءبىز جابايى تابيعاتتىڭ كوز الدىمىزدا جويىلعانىنىڭ كۋاگەرى بولامىز», دەدى.
وسىنداي قاۋىپ ءتونىپ تۇرعاندا, قىتاي بيلىگى ءداستۇرلى مەديتسينادا قولدانىلاتىن جولبارىس سۇيەكتەرى مەن مۇيىزتۇمسىق مۇيىزدەرىنىڭ ساۋداسىنا سالىناتىن تىيىمدى جەڭىلدەتتى. مۇنداي قادام تابيعات قورعاۋشىلارىنا ۇناعان جوق. ويتكەنى جولبارىستار مەن مۇيىزتۇمسىقتار براكونەرلىك ارەكەتتىڭ اسەرىنەن تولىقتاي جويىلىپ كەتۋى مۇمكىن.