جاڭالىق پەن جاقسىلىقتى قالت جىبەرمەيتىن بولدىق. ولاي بولماعاندا تاريحتىڭ تىرس-تىرس سوققان ساعاتىنان قالىپ قوياتىنىڭ ءسوزسىز. بارشا قازاقستاندىقتار تاۋەلسىزدىگىمىزدىڭ 20 جىلدىعى قارساڭىندا اسەم استاناعا كوز تىگىپ, جان جادىراتقان يگىلىكتەرمەن شاتتاندى.
استاناداعى يندۋستريالاندىرۋ كۇنى اياسىندا بيزنەستىڭ الەۋمەتتىك جاۋاپكەرشىلىگى جونىندەگى كونكۋرس قورىتىندىسىمەن «التىن ساپا-2011» سىيلىعىنىڭ لاۋرەاتتارى جانە «قازاقستاننىڭ ۇزدىك تاۋارى» كورمە-كونكۋرسىنىڭ ديپلوماتتارى باس قوسقان سالتاناتقا ەلباسى قاتىسىپ, جيىن اجارىن اشا تۇسكەنىن ايتۋعا بولادى. ەڭبەكتىڭ جانعانى, ىزدەنىستىڭ ىزگىلىگى بار قىرىنان كورىندى.
جەتىسۋ ءوڭىرى ونەركاسىپ پەن كاسىپكەرلىك سالاسىندا جاقسى جەتىستىكتەرگە جەتتى. بيىلدىڭ وزىندە يندۋستريالاندىرۋ كارتاسى اياسىندا جالپى قۇنى 9,6 ملرد. تەڭگە بولاتىن 10 جاڭا نىسان ىسكە قوسىلدى.
ال تالدىقورعانداعى «قاينار اكب» جاۋاپكەرشىلىگى شەكتەۋلى سەرىكتەستىگىنىڭ ۇجىمى ءوندىرىس اۋقىمىن كەڭەيتىپ, جاڭا تەحنولوگيالاردى ىسكە قوسۋ ناتيجەسىندە ونىمدەرىن الىس شەتەلدەرگە شىعارۋ مۇمكىندىگىنە يە بولعانىن دا ماقتانىشپەن ايتۋعا بولادى.
كاسىپورىن سالتاناتتى جيىندا ەل پرەزيدەنتىنىڭ «التىن ساپا» ارنايى سىيلىعىمەن ماراپاتتالدى. سونداي-اق شاعىن جانە ورتا كاسىپكەرلىك سالاسىنداعى «وندىرىستىك ماقساتتاعى ۇزدىك كاسىپورىن» اتالىمى بويىنشا ەڭ تاڭداۋلى كاسىپورىن قاتارىنان تابىلىپ, مەرەيلەندى.
«قاينار اكب» جەڭىسىنە بارشا جەتىسۋلىقتار قۋاندى. ويتكەنى, اتالعان كاسىپورىن ءوڭىردىڭ ەكونوميكالىق, الەۋمەتتىك دامۋىنا ۇلەس قوسۋمەن قاتار, حالىقتى جۇمىسپەن قامتىپ, جاعدايلارىنىڭ جاقسارۋىنا سەپتىگىن تيگىزىپ كەلەدى.
قيىن-قىستاۋ كەزدە دە ەرتەڭگە دەگەن ۇمىتتەرىن ۇكىلەگەن زاۋىت ۇجىمى ءالى دە تابىستارىن تاسىتىپ, باسەكەگە قابىلەتتى ءونىم ءوندىرۋدى جالعاستىرۋدا. قىرىق جىلعا جۋىق ەڭبەك ءوتىلى بار كاسىپورىندا بىرنەشە ۇرپاقتىڭ وكىلى الماسىپ, ولار كاسىبي شەبەرلىكتەرىن شىڭداپ كەلەدى. ۇتىمدى ۇيىمداستىرۋ ولاردى بيىككە ۇمتىلدىرۋدا.
كۇمىسجان بايجان.
الماتى وبلىسى.