گونكونگ قالاسىندا قر ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ ۇلتتىق قۇقىق قورعاۋ مەكەمەلەرىنىڭ ازيالىق-تىنىق مۇحيت فورۋمىنىڭ (اتف) جىل سايىنعى وتىرىسىنا قاتىستى, ونىڭ بارىسىندا مۇشە مەملەكەتتەر جۇمىسىنىڭ كەزەكتى ناتيجەلەرى قارالدى, دەپ حابارلايدى ادام قۇقىقتارى جونىندەگى ۋاكىل اپپاراتىنىڭ ءباسپاسوز-قىزمەتى.
ومبۋدسمەن ءوز سوزىندە ارىپتەستەرىن ءوز مەكەمەسىنىڭ جىلدىق جۇمىسى, سونداي-اق مەملەكەت باسشىسىنىڭ باستاماسى بويىنشا كونستيتۋتسيالىق رەفورما جانە باسقا دا اۋقىمدى باعدارلامالار اياسىندا قازاقستاندا جۇرگىزىلىپ جاتقان ينستيتۋتسيونالدىق دامۋدىڭ وزەكتى ماسەلەلەرى تۋرالى حاباردار ەتتى.
ومبۋدسمەن مارتەبەسىن كونستيتۋتسيالىق تۇردە بەكىتۋ ونىڭ مەكەمەسىن ۇلتتىق قۇقىق قورعاۋ مەكەمەلەرى قىزمەتىنىڭ پاريج قاعيداتتارىنا سايكەس كەلتىرۋ جونىندەگى جۇمىستى ودان ءارى جانداندىردى, وسىعان بايلانىستى, بۇۇ, يۋنيسەف, ەقىۇ, ەۋروپا كەڭەسى جانە اتف سەكىلدى ادام قۇقىقتارى سالاسىنداعى جاھاندىق جانە ايماقتىق سەرىكتەستەرمەن جۇمىس كۇشەيتىلدى.
ا. شاكىروۆ ەسەپتى كەزەڭ ىشىندە ومبۋدسمەن مەكەمەسىنىڭ جۇمىسىندا حالىقتىڭ وسال توپتارىنىڭ, ونىڭ ىشىندە بالالاردىڭ, ايەلدەردىڭ, قارت ادامداردىڭ جانە ەرەكشە قاجەتتىلىكتەرى بار ادامداردىڭ قۇقىقتارىنىڭ ساقتالۋىنا مونيتورينگ جۇرگىزۋگە ەرەكشە كوڭىل بولىنگەنىن اتاپ ءوتتى.
سونداي-اق, قۇقىق قورعاۋ مەكەمەسىنىڭ قازاقستان رەسپۋبليكاسىنىڭ حالىقارالىق مىندەتتەمەلەرىن ۇلتتىق زاڭناماعا جۇزەگە اسىرۋ بويىنشا زاڭ شىعارۋ جۇمىستارىنا بەلسەندى قاتىسۋى اتاپ ءوتىلدى. ماسەلەن, پارلامەنت ءبىرىنشى وقىلىمدا ازاپتاۋلارعا قارسى ۇلتتىق الدىن الۋ تەتىگىنىڭ مانداتىن ونىڭ تىزبەسىنە قوسىمشا 216 بالالار ينستيتۋتسيونالدىق مەكەمەسىن ەنگىزۋ ارقىلى كەڭەيتۋدى قاراستىراتىن زاڭ جوباسىن ماقۇلدادى.
ومبۋدسمەن كەزدەسۋ بارىسىندا ورتالىق ازيا ۇلتتىق قۇقىق قورعاۋ مەكەمەلەرىنىڭ ءوزارا ءىس-قيمىل الاڭىن قۇرۋ جانە ايماقتاعى ادام قۇقىقتارى سالاسىنداعى ماڭىزدى ماسەلەلەردى شەشۋ ءۇشىن «جول كارتاسىن» ازىرلەۋ تۋرالى قازاقستاندىق باستامانى حاباردار ەتتى.
ناسىلدىك جانە كەمسىتۋشىلىكتىڭ وزگە دە نىساندارىنا قارسى كۇرەس تۋرالى ماسەلەنى تالقىلاۋ شەڭبەرىندە شەتەلدىك ارىپتەستەر قازاقستاندا ەتنوسارالىق جانە كونفەسسياارالىق كەلىسىمدى ساقتاۋعا باسا نازار اۋداردى, ونىڭ بۇزىلۋى قازىرگى زاماننىڭ نەگىزگى قيىندىقتارىنىڭ ءبىرى بولىپ تابىلاتىن الەمدەگى جاھاندىق سيپاتقا يە بولۋىمەن ەرەكشەلەندى. وسى تۇرعىدا ولار جالپى مەملەكەتتىڭ وسى سالاداعى ساياساتى جانە ومبۋدسمەن مەكەمەسىمەن ىنتىماقتاستىق تۋرالى مەموراندۋم جاساسقان قازاقستان حالقى اسسامبلەياسىنىڭ قىزمەتى تۋرالى حاباردار بولدى.
اتف وتىرىسىندا ۇيىمداستىرۋ ماسەلەلەرى قاراستىرىلدى, ونىڭ قورىتىندىسى بويىنشا ۇيىمنىڭ جاڭا مۇشەلەرى, سونىڭ ىشىندە قىرعىز رەسپۋبليكاسىنىڭ ومبۋدسمەن مەكەمەسى قابىلداندى.