جاقىندا شىعىس قازاقستان وبلىسىنىڭ اكىمى ب.ساپارباەۆ كۇرشىم اۋدانىندا ىسساپارمەن بولىپ, ءبىرقاتار مادەني عيماراتتاردىڭ اشىلۋىنا قاتىستى. كۇرشىمدەگى 600 ورىندىق مەكتەپ-گيمنازيا قۇرىلىسى باس-اياعى ءبىر جىلدا پايدالانۋعا بەرىلدى. ونىڭ قۇرىلىسىن سالعان تاجىريبەلى شەبەر ەرجان سقاقوۆ.
بارلىق وقۋ كابينەتتەرى ينتەراكتيۆتى تاقتالارمەن جابدىقتالعان, ءىشى اسەم مەكتەپتىڭ اشىلۋىندا ءوڭىر باسشىسى, اۋىل تۇرعىندارى اقجارما تىلەكتەرىن ايتتى. سول كۇنى اكىم قاراتوعاي اۋىلىنداعى مەكتەپتىڭ «بالدىرعان» شاعىن ورتالىعىن, اۋدان ورتالىعىنداعى بايتەرەكتىڭ جانە №1 دارىگەرلىك بىرلەستىكتىڭ جىلۋ جۇيەسىنىڭ اشىلۋىنا قاتىسىپ, اۋىل تۇرعىندارىن قۇتتىقتادى.
سامار اۋىلىنداعى مۇز ايدىنى, كۇردەلى جوندەۋدەن وتكەن مادەنيەت ءۇيىنىڭ اشىلۋى دا ەل ەسىندە قالارلىقتاي اسەرلى ءوتتى.
وڭداسىن ەلۋباي,
وسكەمەن.