ەر ەسىمى - ەل ەسىندە

تارازدىق 7 ادامنىڭ, ونىڭ ىشىندە 5 قۇقىق قورعاۋ قىزمەتكەرلەرىنىڭ ءومىرىن قىرشىنىنان قيعان قاندى وقيعادان كەيىن دە, مىنە, 40 كۇن وتە شىعىپتى. وسىناۋ قارالى كۇندى جەرگىلىكتى بيلىك تە ەستەن شىعارماي, وبلىس جانە قالا اكىمدەرى ق. بوزىمباەۆ پەن ب. ورىنبەكوۆ قوعام تىنىشتىعىن ساقتاۋ ماقساتىندا ەرلىكپەن قازا تاپقان 5 بوزداقتىڭ وتباسىلارىنا جاڭا سالىنىپ جاتقان «بايتەرەك» شاعىن اۋدانىنان 5 پاتەر سىيلادى. پاتەردىڭ كىلتتەرى مەن جاڭا باسپانانىڭ «كورىمدىگى» رەتىندە تارتۋ ەتىلگەن تەلەديدارلاردى قازا تاپقان ءتارتىپ ساقشىلارىنىڭ جۇبايلارى گ. تاجيەۆا, د. سىمەتىلدا, م. يۋسۋپوۆا, ۆ. ۆلاسوۆا جانە گ. حاليەۆا قابىلداپ الدى. سونداي-اق, وبلىستىق ءىىد باسشىلارى «حالىق قاھارمانى» گ. بايتاسوۆ پەن 3-دارەجەلى «ايبىن» وردەنىنىڭ  يەگەرلەرى اتانعان پولات ايانقۇلوۆ پەن جاقسىبەك بايسەيىتوۆكە جەكە قۇراما مەن ەلىمىزدەگى ىزگى جۇرەكتى جانداردىڭ ارنايى ەسەپشوتقا اۋدارعان قارجىلاي كومەگىن دە تابىس ەتتى. كوسەمالى ساتتىباي ۇلى جامبىل وبلىسى.