مەملەكەتتىك تۇرعىن ءۇي باعدارلاماسى حالىقتىڭ كوپ جىلداردان بەرگى باسپاناعا دەگەن قاجەتىن قاناعاتتاندىرىپ, بايىپتىلىعىن تانىتتى. قاي ەلدى مەكەندە بولماسىن جاڭا سالىنعان قۇرىلىس كوزگە تۇسەدى.
الماتى مەن تالدىقورعانعا ساپار شەككەندەر سارىوزەكتەگى جول بويىندا قاز-قاتار جاڭا ۇلگىدە, ساپالى سالىنعان جەكە تۇرعىن ۇيلەردى كورەدى ءارى ەرىكسىز قىزىعادى. سوڭعى ەكى جىلدا كوشە ۇزارىپ, قۇرىلىس جالعاسىپ, قونىس تويلارى كوبەيدى.
كەربۇلاقتىق 16 وتباسى جاڭا جىلدى اسەم ءارى جارىق شاڭىراقتا قارسى الادى. كوشە ەل مەرەيتويى قۇرمەتىنە «تاۋەلسىزدىك» دەپ اتالدى. ءۇيلى بولعاندار نەگىزىنەن بيۋدجەتتىك مەكەمە قىزمەتكەرلەرى دەسەك, بيعالي سۇلەيمەنوۆ اۋداننىڭ مال دارىگەرى بولىپ قىزمەت اتقارادى. بۇعان دەيىن پاتەر جالداعان وتباسى قۋانىشقا كەنەلدى. سونداي-اق جانعازى جەكسەمباەۆتىڭ وتباسى دا باسپانالى بولدى.
ءۇي ءبولۋ كەزىندە ۇلى وتان سوعىسى ارداگەرلەرىنە, كوپ بالالى انالارعا, دارىگەرلەر مەن مۇعالىمدەرگە, مۇمكىندىگى شەكتەۋلى جاندارعا باسىمدىق بەرىلگەن. سارىوزەك كەنتىنىڭ وزىندە كوپ قاباتتى تۇرعىن ۇيدەگى ءبىرنەشە پاتەر كۇردەلى جوندەۋدەن ءوتتى.
جاڭا جىلدا دا اۋداندا كوممۋنالدىق تۇرعىن ءۇي قۇرىلىسى جالعاسادى. ويتكەنى, ءۇي كەزەگىندە ءالى دە ەكى جۇزدەن استام ادام بار. مەملەكەتتىك تۇرعىن ءۇي قۇرىلىسىن جەدەلدەتۋ ارقىلى ولاردىڭ سۇرانىسىن قاناعاتتاندىرۋ كوزدەلىپ, جوسپار جاسالعان.
كۇمىسجان بايجان.
الماتى وبلىسى.