جاڭا اسكەري ماماندىقتار اشىلدى

قورعانىس مينيسترلىگى كادر­لار جانە اسكەري ءبىلىم دە­پار­تا­مە­نتىنەن حابارلاعانداي, قور­عا­نىس مينيسترلىگىنىڭ اسكەري جوو-لارى مەن كادەت كورپۋسىنا وقۋ­عا ءتۇسۋ ءۇشىن قازاقستاننىڭ تۇكپىر-تۇكپىرىنەن 3000-عا جۋىق ادام قۇجات تاپسىرعان. ولاردىڭ بارلىعى بولىنگەن 865 ورىنعا ۇمىت­تەنىپ وتىر. اعىمداعى جىل­عى 20 شىلدەدەن باستاپ بوزبالالار ءتورت كەزەڭدى قامتيتىن ىرىك­تەۋدەن ءوتۋ ءۇشىن وقۋ ورىندا­رى­نا كەلە باستايدى. ەگەر ازا­مات­تىق جالپى ءبىلىم بەرۋ مەك­تەپ­تەرىنىڭ تۇلەكتەرى الدىن-الا مە­ديتسينالىق كۋالاندىرۋدى وزدەرىنىڭ وڭىرلەرىندە وتسە, كا­سى­بي پسيحولوگيالىق ىرىكتەۋ, دە­نە دايىندىعىن, تۇبەگەيلى مە­دي­تسينالىق كۋالاندىرۋدى ولار­عا تىكەلەي ءبىلىم الاتىن جوو-دا وتۋگە تۋرا كەلەدى.

اعىم­دا­عى جى­لى العاش رەت رەسەي فە­دە­را­تسياسى قورعانىس مينيس­تر­­لى­گى­نىڭ اسكەري وقۋ ورىندارىنا «اۋدارما جانە اۋدارمانى جۇر­گى­زۋ», «گەواقپاراتتىق كارتوگرا­فيا», «عارىشتىق كەشەندەر جە­لى­لەرى مەن بايلانىس جۇيەلەرى» جا­نە «جەرۇستى اسكەرلەردەگى ەمدەۋ ءىسى» ماماندىقتارى بويىنشا قىز بالالاردى قابىلداۋ جۇزەگە اسىرىلادى. اتالمىش ىرىكتەۋ الماتىدا قۇرلىق اسكەرلەرى اسكەري ينستيتۋتىنىڭ بازاسىندا وتەتىن بولادى. وقىتۋ اياقتالعان سوڭ قىزدار اسكەري قىزمەتتى قازاق­ستاننىڭ قارۋلى كۇشتەرى قاتارىندا جالعاستىراتىندارىن ايتا كەتۋ قاجەت. بىلىكتى ماماندار بولۋىنىڭ, سونداي-اق باسەكەگە قا­بىلەتتى بىلىكتى مامانداردى دايار­لاۋدىڭ ماڭىزدىلىعىن تۇ­سىنە وتىرىپ, قارۋلى كۇشتەر قۇ­رىلعان ساتتەن باستاپ اسكەري ءبىلىم بەرۋدى دامىتۋعا ەرەكشە ءمان بەرىلدى.

ناتيجەسىندە 26 جىل ىشىندە قازاقستاندا قارۋلى كۇش­تەر دامۋىنىڭ كەلەشەگىنە ساي كەلەتىن اسكەري كادرلاردى دايارلاۋدىڭ ۇلتتىق جۇيەسى قۇ­رىلدى. جۇيە ۇزدىكسىز ءبىلىم بە­رۋ پروتسەسىن قامتاماسىز ەتە­دى جانە ء«بىلىم بەرۋ تۋرالى» قازاق­ستان رەسپۋبليكاسىنىڭ زا­ڭىن­دا قاراستىرىلعان بەس دەڭ­گەي­دى قامتيدى. بۇل ورتا ءبى­لىم, تەحنيكالىق جانە كاسىبي, جو­عارى ءبىلىم – باكالاۆريات, جوعارى وقۋ ورنىنان كەيىنگى ءبىلىم – ماگيستراتۋرا جانە دوكتورانتۋرا, سونداي-اق قوسىمشا ءبىلىم – اسكەري كافەدرالار, قايتا دايارلاۋ جانە بىلىكتىلىكتى ارتتىرۋ.

«ەگەمەن-اقپارات»