بۇگىن ۇكىمەت ۇيىندە پرەمەر-مينيستر باقىتجان ساعىنتاەۆ قازاقستاننىڭ ءۇشىنشى جاڭعىرۋىن جوبالىق باسقارۋ ماسەلەلەرى جونىندە كەڭەس وتكىزدى.
كەڭەس بارىسىندا ەكونوميكانى تسيفرلاندىرۋ جانە تەحنولوگيالىق جاڭارتۋ, اكت, كولىك جانە تۋريزم سالالارىن دامىتۋ ماسەلەلەرى جونىندە 2018 جىلعا ارنالعان جوسپارلار مەن ءى جارتى جىلدىقتىڭ الدىن الا ەسەپتەرى تىڭدالدى. سونداي-اق الماتى وبلىسى اكىمدىگىنىڭ جوبالىق باسقارۋ ماسەلەلەرى قارالدى.
الماتى وبلىسىنىڭ اكىمى ا. باتالوۆ ءى جارتى جىلدىقتاعى جوبالىق باسقارۋ اياسىندا اتقارىلعان جۇمىستار جانە اوك, كولىك جانە لوگيستيكانى, تۋريزم, ساۋدا, دەنساۋلىق ساقتاۋ جانە ءبىلىم بەرۋ سالالارىن دامىتۋ, يندۋستريالاندىرۋدى جۇرگىزۋ بويىنشا 2018 جىلعا ارنالعان جوسپارلار تۋرالى بايانداپ, جاپپاي كاسىپكەرلىكتى دامىتۋدىڭ, ءونىمدى جۇمىسپەن قامتۋدىڭ, قارجىلىق تۇراقتىلىقتىڭ, ەكونوميكا سالالارىن تسيفرلاندىرۋدىڭ جانە اكت دامىتۋدىڭ نەگىزگى باعىتتارىن جۇزەگە اسىرۋ جونىندە ايتىپ بەردى.
اقپارات جانە كوممۋنيكاتسيالار ءمينيسترى د.اباەۆ اقپاراتتىق-كوممۋنيكاتسيالىق ينفراقۇرىلىمدى دامىتۋ, تاۋ-كەن ونەركاسىبىندە تسيفرلىق تەحنولوگيالاردى پايدالانۋ, كولىك جانە لوگيستيكا, اوك, ەلەكتروندىق ساۋدانى دامىتۋ, يننوۆاتسيالىق تسيفرلىق ەكوجۇيەنى قۇرۋ جانە «اقىلدى» قالالاردى ىسكە اسىرۋ تۋرالى باياندادى.
ءوز كەزەگىندە ينۆەستيتسيالار جانە دامۋ ءمينيسترى ج.قاسىمبەك تەحنولوگيالار ترانسفەرتى جۇيەسىن, ءادديتيۆتى ماشينا جاساۋدى, يندۋستريا 4.0 ەلەمەنتتەرىنەن تۇراتىن ونەركاسىپتىڭ نەگىزگى سالالارىن تەحنولوگيالىق قايتا جاراقتاندىرۋدى دامىتۋ تۋرالى اقپارات بەردى.
سونداي-اق, ينۆەستيتسيالار جانە دامۋ ءمينيسترى ج.قاسىمبەكتىڭ جۇك تاسىمالدارىنىڭ كولەمىن ۇلعايتۋ ءۇشىن فيتينگتى پلاتفورمالارمەن قامتاماسىز ەتۋ, جۇك اۆتوكولىك قۇرالدارىنىڭ پاركىن جاڭارتۋ, الماتى ق. اينالمالى تەمىر جولىنىڭ قۇرىلىسى, جوعارى جىلدامدىقتا جۇرۋگە ارنالعان اۆتوكولىك جولدارىن سالۋ جانە پايدالانۋعا بەرۋ, سونداي-اق اۋە قاتىناستارىنىڭ جاڭا باعىتتارىن اشۋ تۋرالى ەسەبى تىڭدالدى.
مادەنيەت جانە سپورت ءمينيسترى ا.مۇحامەدي ۇلى ۆيزالىق–كوشى-قون رەجيمىن ىرىقتاندىرۋ, جول بويىنداعى سەرۆيستى دامىتۋ, قازاقستاننىڭ تۋريستىك الەۋەتىن جەتىلدىرۋ ءۇشىن تۋريستىك باعىتتاردى دامىتۋ جانە الماتى, اقمولا جانە ماڭعىستاۋ وبلىستارىندا بىرقاتار ينۆەستيتسيالىق جوبالاردى جۇزەگە اسىرۋ جونىندە باياندادى.