قر ينۆەستيتسيالار جانە دامۋ ءمينيسترىنىڭ بۇيرىعىمەن ارمان اباي ۇلى شاققاليەۆ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ توراعاسى بولىپ تاعايىندالدى, دەپ حابارلايدى primeminister.kz.
ارمان شاققاليەۆ 1977 جىلى تۋعان قاراعاندى وبلىسىندا دۇنيەگە كەلگەن. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «زاڭگەر» ماماندىعى بويىنشا, ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «ەكونوميكا» ماماندىعى بويىنشا, م. دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىن «ستاندارتتاۋ, سەرتيفيكاتتاۋ جانە مەترولوگيا» ماماندىعى بويىنشا تامامداعان. حالىقارالىق ينجەنەرلىك اكادەميانىڭ كوررەسپوندەنت مۇشەسى, عالىم ينجەنەر.
ەڭبەك جولىن اقمولا وبلىسى جانە استانا قالاسى بويىنشا «كاسىپورىنداردى قايتا ۇيىمداستىرۋ جانە تاراتۋ اگەنتتىگى» اق زاڭ كەڭەسشىسى قىزمەتىنەن باستاعان.
قر مەملەكەتتىك ماتەريالدىق قورلار اگەنتتىگىنىڭ «رەزەرۆ» رمك ءبولىمىنىڭ باسشىسى, قر قم دارمەنسىز بورىشكەرلەرمەن جۇمىس جونىندەگى كوميتەت توراعاسىنىڭ ورىنباسارى, قر ەكونوميكا جانە بيۋدجەتتىك جوسپارلاۋ مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى قىزمەتتەرىن اتقاردى.
تەحنيكالىق رەتتەۋ جۇيەسىندە 2004 جىلدان باستاپ «قازاقستاندىق مەترولوگيا ينستيتۋتى» رمك ديرەكتورى بولىپ جۇمىس ىستەدى.
2008 جىلدىڭ ماۋسىمىنان 2016 جىلدىڭ ساۋىرىنە دەيىن «قازاقستاندىق ستاندارتتاۋ جانە سەرتيفيكاتتاۋ ينستيتۋتى» رەسپۋبليكالىق مەملەكەتتىك كاسىپورنىنىڭ ديرەكتورى قىزمەتىن اتقاردى.
2016 جىلدىڭ ءساۋىر ايىندا ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتتەۋ دەپارتامەنتىنىڭ ديرەكتورى بولىپ تاعايىندالدى.