كورگەن دە ارماندا, كورمەگەن دە ارماندا دەگەندەي, اقتوبەدە اشىلعان اكۆاساياباق وعان كەلۋشىلەردى تاڭ-تاماشا قالدىرىپ وتىر. جاس تالعامايتىن, ۇلكەن-كىشى دەپ بولمەيتىن, ايرىقشا دەمالىس ورنى قالانىڭ قاق ورتاسىنان ورىن تەپكەن. ونىڭ جالپى اۋماعى 3 گەكتاردان اسىپ تۇسەدى. مۇنداعى توبەشىگى بار باسسەيندەر مەن سۋلى اتتراكتسيوندار ونىڭ اكۆاساياباق رەتىندەگى ورنى مەن مارتەبەسىن بيىكتەتە تۇسەدى. ءدال وسى باعىتتاعى بالالار ايماعى بولەك ورنالاسقان.
اقتوبەدە اشىلعان ايرىقشا اكۆاساياباققا دەمالۋعا كەلۋشىلەرگە بارلىق جاعدايلار جاسالعان. مۇندا كۇن سايىن مىڭنان استام ادام تىنىعا الادى. بۇگىنگى كۇنى ەرەكشە نىساننىڭ جازعى ايماعىنداعى قۇرىلىستار تولىعىمەن اياقتالدى. ايتسە دە الداعى كەزدە ينۆەستيتسيالىق جوبانىڭ ەكىنشى كەزەڭىن ىسكە اسىرۋ كوزدەلگەن. سوعان سايكەس «TREE OF LITE» قۇرىلىس كومپانياسى بۇل ءىستى باستاپ تا كەتتى.
اكۆاساياباققا كەلىپ دەمالۋ اقىلى تۇردە جۇرگىزىلەدى. ايتسە دە «باقىتتى بالا» وڭىرلىك جوباسى اياسىندا مۇندا از قامتىلعان, تۇرمىسى تومەن وتباسىلاردىڭ بالالارىنا تەگىن قىدىرىپ, دەم الۋ ءۇشىن سەرتيفيكاتتار بەرىلگەن. جوباعا سالىنعان ينۆەستيتسيانىڭ جالپى مولشەرى 5,8 ميلليارد تەڭگەنى قۇرايدى.
تەمىر قۇسايىن,
«ەگەمەن قازاقستان»
اقتوبە