اشىق اسپان استىنداعى كىتاپحانا

كوكشەتاۋ قالالىق ورتالىق بالالار جانە جاسوسپىرىمدەر ۇلگىلى كىتاپحاناسى ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنا وراي اشىق اسپان اياسىنداعى كىتاپحانا ۇيىمداستىردى. العاشقى كۇنى ورتالىق ساياباقتا سالتاناتتى­ تۇردە اشىلعان بۇل جوبا ءبىر كۇن­دى عانا قامتىعان جوق. تۇتاس­تاي ونكۇندىكتى قامتىپ, سايالى اعاش­تاردىڭ اياسىندا, تازا اۋا­دا بالعىنداردى كىتاپ وقۋعا تار­تۋدىڭ, وسى ورايدا, ولاردى تالاي تانىمدىق ءىس-شارالارمەن قاۋىشتىرۋدىڭ قولدان كەلگەن بارلىق مۇمكىندىكتەرى قاراس­تىرىلدى. ءسويتىپ بۇل ارادا كادىم­گىدەي بالالارعا ارنالعان ءار­تۇرلى قىزعىلىقتى كوركەم ادە­بيەتتەردەن, ويىنشىق كىتاپ­تاردان, مازمۇندى ەن­تسيك­­­­لوپەديالار مەن اسەرلى فوتوالبومداردان تۇراتىن كىتاپحانا قالىپتاستى. كىش­كەن­تاي بالدىرعاندار وسى ارا­دا ۇستەل ويىندارىنا قاتى­سىپ, ءتۇرلى قۇراستىرمالى ويىن­شىقتاردى قۇراستىرىپ, اسفالت ۇستىنە ءتۇرلى-ءتۇستى سۋرەتتەر سالىپ, باقىتتى بالالىق شاقتىڭ الاڭسىز الەمىنە بويلاي ءتۇستى.

ءبىر اتاپ وتۋگە تۇرارلىق جايت,­ كىتاپحانانىڭ «ادەبيەت الە­­مىندەگى دەمالىس» اتتى اشىق اسپان اياسىنداعى بۇل جوباسى وسى تەكتەس رەسپۋبليكالىق شارالاردىڭ تىزىمىنە ەنگىزىلىپ وتىر. ءبىراز بالالار مەن ولار­دىڭ اتا-انالارى قاتىسقان ونكۇندىكتىڭ اشىلۋ سالتاناتىنا بالالار تاقىرىبىنا قالام تەربەپ جۇرگەن اقىن-جازۋشىلار سەرىك جەتپىسقاليەۆ, قايىرباي تورەعوجا قاتىسىپ, ءوز قولتاڭبالارى قويىلعان كىتاپتارىن سىيلادى. سونىمەن بىرگە جاس ونەرپازدار ونەر كور­سەتىپ, قازاق جانە ورىس تىلدەرىندە بالالار ولەڭدەرى وقىل­دى, اندەر شىرقالدى.

بۇگىندە ءومىرىمىزدىڭ اجىراماس ءبىر بولىگىنە اينالىپ وتىر­عان رۋحاني جاڭعىرۋ شارالارى جاس جەتكىنشەكتەردىڭ دە بويلارىنا كىشكەنتايلارىنان وسى ۇعىمدى ءسىڭىرىپ, ولاردى وتانسۇيگىشتىككە, كىتاپقۇمارلىق پەن زەردەلىلىككە باۋلۋىمىز قا­جەتتىگىن العا تارتىپ وتىر. بۇل رەتتە, كوبىنە ءوز-وزىمەن بولىپ, جوعارىدا ايتقان سەبەپتەرمەن اينالاسىنان وقشاۋلانا تۇسكەن جاس ۇرپاقتى رۋحانياتتىڭ سارا جولىنا سالۋىمىز قاجەت. وسى باعىتتا وزدەرى ومىرگە اكەلگەن جوباعا ءبىر كىسىدەي جۇمىلىپ, ون كۇن بويى بالالارعا اشىق­ اسپان استىنداعى كى­تاپ­­حانا ۇيىم­داستىرعان كوك­شە­تاۋ قالالىق بالالار جانە جاسوسپىرىمدەر ۇلگىلى كىتاپ­حانا­سىنىڭ ۇجى­مىنا ريزاشىلىعىمىز مول.

بايقال ءبايادىل,

«ەگەمەن قازاقستان»

كوكشەتاۋ