قازاقستاندا 2018 جىلعى 1 شىلدەدەن باستاپ 18 جاستان اسقان بالا كەزىنەن ءبىرىنشى توپتاعى مۇگەدەككە كۇتىمدى جۇزەگە اسىراتىن ادامدارعا جاڭا مەملەكەتتىك جاردەماقى ەنگىزىلدى.
جاردەماقىنىڭ مولشەرى اعىمداعى جىلى ەڭ تومەن كۇنكورىس دەڭگەيىنەن 1,05 نەمەسە 29 699 تەڭگەنى قۇرايدى. جاردەماقى 18 جاستان اسقان, بالا كەزىنەن ءبىرىنشى توپتاعى مۇگەدەككە كۇتىمدى جۇزەگە اسىراتىن ادامدارعا تولەنەدى.
اتاپ وتكەن ءجون, بارلىق ءتيىستى الەۋمەتتىك تولەمدەر مۇگەدەكتەر ءۇشىن ساقتالادى. جاردەماقى بالا كەزىنەن ءبىرىنشى توپتاعى مۇگەدەك نەمەسە ونىڭ زاڭدى وكىلى جۇگىنگەن كۇننەن باستاپ بالا كەزىنەن ءبىرىنشى توپتاعى مۇگەدەكتىك بەلگىلەنگەن بارلىق كەزەڭگە تاعايىندالادى.
بۇل رەتتە بالا كەزىنەن ءبىرىنشى توپتاعى مۇگەدەككە كۇتىم كورسەتۋ بويىنشا جاردەماقى مىنا ادامدارعا: كامەلەت جاسقا تولماعان, سوت ارەكەتكە قابىلەتسىز نە قابىلەتتىگى شەكتەۋلى دەپ تانىعان, پسيحياتريالىق جانە ناركولوگيالىق ديسپانسەردە ەسەپتە تۇرعاندارعا تاعايىندالمايدى.
وتباسىندا ەكى نەمەسە ودان كوپ بالا كەزىنەن ءبىرىنشى توپتاعى مۇگەدەك بولعان جاعدايدا جاردەماقى ولاردىڭ ارقايسىسىنا تاعايىندالادى جانە تولەنەدى.
وسىلايشا, جاردەماقىنى 14 مىڭعا جۋىق وتباسى الاتىن بولادى.
«ەگەمەن-اقپارات»