قازاقستان پرەزيدەنتى نۇرسۇلتان نازارباەۆتىڭ جارلىعىمەن جانسەيىت تۇيمەباەۆ تۇركىستان وبلىسىنىڭ اكىمى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتىنەن حابارلاندى.
ج.ق.تۇيمەباەۆتى تۇركىستان وبلىسىنىڭ اكىمى قىزمەتىنە تاعايىنداۋ تۋرالى جانسەيىت قانسەيىت ۇلى تۇيمەباەۆ تۇركىستان وبلىسىنىڭ اكىمى بولىپ تاعايىندالسىن, ول وڭتۇستىك قازاقستان وبلىسىنىڭ اكىمى قىزمەتىنەن بوساتىلسىن.
قازاقستان رەسپۋبليكاسىنىڭ پرەزيدەنتى ن.نازارباەۆ
استانا, اقوردا, 2018 جىلعى 20 ماۋسىم
№703
تۇيمەباەۆ جانسەيىت قانسەيىت ۇلى 1958 جىلى وڭتۇستىك قازاقستان وبلىسىندا دۇنيەگە كەلگەن, فيلولوگيا عىلىمىنىڭ كانديداتى, پروفەسسور. قازاق مەملەكەتتىك ۋنيۆەرسيتەتىن, ماسكەۋ مەملەكەتتىك الەۋمەتتىك ۋنيۆەرسيتەتىنىڭ زان فاكۋلتەتىن بىتىرگەن. 1980-1993 جىلدارى - قازاق مەملەكەتتىك ۋنيۆەرسيتەتىندە وقىتۋشى, دوتسەنت. 1993-1994 جىلدارى - قازاقستان رەسپۋبليكاسى سىرتقى ىستەر مينيسترلىگىنىڭ ءبىرىنشى حاتشىسى, ءبولىم باستىعى. 1997-1999 جىلدارى - قازاقستان رەسپۋبليكاسى پرەزيدەنتى پروتوكول قىزمەتىنىڭ باس ساراپشىسى, قازاقستان رەسپۋبليكاسىنىڭ ىستانبۇل قالاسىنداعى باس كونسۋلى, 1999-2006 جىلدارى - قر پرەزيدەنتى پروتوكولىنىڭ جەتەكشىسى, 2004-2006 جىلدارى - قازاقستان رەسپۋبليكاسى پرەزيدەنتى پروتوكولىنىڭ جەتەكشىسى - قازاقستان رەسپۋبليكاسى پرەزيدەنتىنىڭ كەڭەسشىسى, 2006-2007 جىلدارى - قازاقستان رەسپۋبليكاسىنىڭ ءبىلىم جانە عىلىم ءمينيسترى, 2007-2010 جىلدارى رەسەي فەدەراتسياسىنداعى توتەنشە جانە وكىلەتتى ەلشىسى, 2010-2016 جىلدارى قازاقستاننىڭ تۇركياداعى توتەنشە جانە وكىلەتتى ەلشىسى بولىپ قىزمەت اتقاردى. 2016 جىلعى 6 قازاندا وڭتۇستىك قازاقستان وبلىسىنىڭ اكىمى بولىپ تاعايىندالعان بولاتىن. "قازاق ءتىلىنىڭ تاريحي گرامماتيكاسى", "قازىرگى قازاق ءتىلىنىڭ لەكسيكولوگياسى", "قازاق ءتىلى", "قازاق ءتىلى: گرامماتيكالىق انىقتامالىق", ت.ب. كىتاپتاردىڭ اۆتورى. "قۇرمەت" وردەنىمەن, مەدالدارمەن ماراپاتتالعان.