قارماقشىلىق مەكتەپ ءبىتىرۋشى تۇلەكتەر ۇبت تاپسىرۋدى باستادى

تايىمبەت كومەكباەۆ اتىنداعى №250 مەكتەپ-ليتسەيىندە باستالعان ۇبت سىناعىنا قاتىسۋشىلاردى اۋدان اكىمى سۇلتان ماقشوۆ پەن قر ءبىلىم جانە عىلىم مينيسترلىگىنىڭ وكىلى ءمۇسىلىم ميرامعالي قۇتتىقتاپ, ساتتىلىك تىلەدى. جوسالى كەنتىندەگى №250 مەكتەپ-ليتسەي بازاسىندا ورنالاسقان ۇلتتىق بىرىڭعاي تەستىلەۋ ورتالىعىندا 268 ءبىتىرۋشى باعىن سىناسا, ەرتەڭ  اقاي اۋىلىنداعى №99 مەكتەپ بازاسىندا, بايقوڭىر قالاسىنداعى مەكتەپ بىتىرۋشىلەردى قوسقاندا 192 وقۋشى ارنايى جابدىقتالعان اۋديتوريالاردا ۇلتتىق بىرىڭعاي تەست تاپسىراتىن بولادى. بيىلعى وقۋ جىلىندا اۋداندا «التىن بەلگىنى» 25, «ۇزدىك اتتەستاتتى» 17 مەكتەپ ءبىتىرۋشى يەلەندى.  

بيىلعى مەكتەپ ءبىتىرۋشى تۇلەكتەرى اراسىندا اۋدان ورتالىعىنداعى 7 جانە ەلدى مەكەننىڭ 10 مەكتەپ تۇلەكتەرى №250 مەتەپ-ليتسەيدەگى ۇبت ورتالىعىندا تەست سىناعىن تاپسىرسا, ەرتەڭ اقايداعى №99 ورتا مەكتەپتەگى ۇبت ورتالىعىندا بايقوڭىر قالاسى مەن تورەتام كەنتى جانە اقاي اۋىلدىق وكرۋگى مەكتەپ ءبىتىرۋشى تۇلەكتەرى تەست سىناقتارىن تاپسىرادى.