ەۋرازيالىق توپ (ERG) قۇرامىنداعى سوكولوۆ-سارىباي كەن-بايىتۋ وندىرىستىك بىرلەستىگى «التىن گەفەست» رەسپۋبليكالىق بايقاۋىنىڭ لاۋرەاتى اتاندى. بايقاۋ قورىتىندىسى استاناد قالاسىنىڭ مەرەيتويى قۇرمەتىنە 25-ءشى دۇنيەجۇزىلىك تاۋ-كەن كونگرەسى اياسىندا شىعارىلعان بولاتىن. «جىل جوباسى» اتالىمىندا «قاشار كەنىشىنىڭ تاۋ-كەن كولىگى كەشەنىن باسقارۋدىڭ اۆتوماتتاندىرىلعان جۇيەسى» اتتى جۇمىس ۇزدىك دەپ تانىلدى.
«اقىلدى كەنىش» جوباسى قر پرەزيدەنتى نۇرسۇلتان نازارباەۆ قاتىسقان تەلەكوپىر بارىندا ىسكە قوسىلعان بولاتىن.
قر ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتى بويىنشا, جىل سايىن «التىن گەفەست» ۇلتتىق سالالىق بايقاۋىنا 100-دەن استام ۇمىتكەر ءوتىنىم بىلدىرەدى. بيىل سسكوب – سولاردىڭ قاتارىندا.
«جىل جوباسى» اتالىمىندا ەكونوميكالىق جانە الەۋمەتتىك ءال-اۋقاتتى ارتتىرۋ مەن وندىرىستىك قايتا قۇرۋدى كوبەيتۋگە باعىتتالعان ازىرلەمەلەر نەگىزگە الىنادى. «سسكوب» اق ماماندارى ەنگىزگەن يننوۆاتسيا – «قاشار كەنىشىنىڭ تاۋ-كەن كولىگى كەشەنىن باسقارۋدىڭ اۆتوماتتاندىرىلعان جۇيەسى» جوباسى ەش ءشۇبا تۋدىرمادى, سول سەبەپتى دە 2018 جىلدىڭ ەڭ ۇزدىك جوباسى دەن تانىلدى.
ءنازيرا جارىمبەت,
«ەگەمەن قازاقستان»
رۋدنىي